അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആത്മസഖി, കനല്‍പൂവ് തുടങ്ങിയ സീരിയലുകളിലൂടെ പ്രേക്ഷകരുടെ ശ്രദ്ധ നേടിയ നടിയാണ് ചിലങ്ക എസ് ദീപു. ഭര്‍ത്താവിനൊപ്പം ബിസിനസ് കാര്യങ്ങള്‍ നോക്കുന്ന ചിലങ്ക ഇപ്പോള്‍ സീരിയലില്‍ സജീവമല്ല. ഇതിനിടെ, ഒരു സീരിയല്‍ സംവിധായകനില്‍ നിന്നും മോശം അനുഭവം ഉണ്ടായതിനെത്തുടര്‍ന്ന്, സംവിധായകനെ ചിലങ്ക തല്ലിയ സംഭവവും വലിയ വാര്‍ത്തയായിരുന്നു. ഇപ്പോഴിതാ മൈല്‍സ്റ്റോണ്‍ മേക്കേഴ്‌സിനു നല്‍കിയ അഭിമുഖത്തില്‍ ഇതേക്കുറിച്ച് പറയുന്ന നടിയുടെ വാക്കുകള്‍ ശ്രദ്ധിക്കപ്പെടുകയാണ്.
‘കുറേ വര്‍ഷം കഴിഞ്ഞ് മുമ്പ് എനിക്ക് ഇതുപോലൊരു അനുഭവമുണ്ടായിട്ടുണ്ടെന്ന് പറയുന്നതിനോട് എനിക്ക് താല്‍പര്യമില്ല. അമ്പത് പേരോളം വര്‍ക്ക് ചെയ്യുന്ന സീരിയലാണ്. ഞാന്‍ അന്ന് കേസുമായി മുന്നോട്ട് പോയിരുന്നുവെങ്കില്‍ അവരുടെ എല്ലാം ജോലിയെ അത് ബാധിച്ചേനെ. പിന്നെ മോശം അനുഭവം ഉണ്ടായപ്പോള്‍ ഉടന്‍ തന്നെ ഞാന്‍ റിയാക്ട് ചെയ്തു. ഈ വിഷയത്തില്‍ ലീഗലായി നീങ്ങിയാല്‍ എങ്ങനെയാണ് കാര്യങ്ങള്‍ പോവുക എന്നതിനെ കുറിച്ച് അറിയാമായിരുന്നു. അയാള്‍ക്കും ഒരു കുടുംബമുണ്ടല്ലോ എന്നോര്‍ത്താണ് പ്രശ്നം വിട്ടത്. പക്ഷേ എന്നെക്കുറിച്ച് അയാള്‍ പലരും പറഞ്ഞ് നടക്കാന്‍ തുടങ്ങിയപ്പോള്‍ ഞാനെന്തിന് സത്യം പറയാതിരിക്കണമെന്ന് തോന്നി. അയാളില്‍ നിന്നും പലതരത്തിലുള്ള സമീപനങ്ങളും ഉണ്ടായിട്ടുണ്ട്. മോശം മെസേജുകള്‍ അയക്കുമായിരുന്നു. അതൊക്കെ ഞാന്‍ റിജക്ട് ചെയ്തപ്പോള്‍ മാനസികമായി പീഡിപ്പിക്കാന്‍ തുടങ്ങി. ഷേക്ക് ഹാന്റ് തരുമ്പോള്‍ അയാള്‍ കയ്യില്‍ ചൊറിയും. പബ്ലിക്കായി കളിയാക്കും. എന്നെ കുറിച്ചും വീട്ടുകാരെ കുറിച്ചും ബോഡി പാര്‍ട്‌സ് വെച്ചും കമന്റുകള്‍ പറയും’.
‘ഇതേക്കുറിച്ച് സംസാരിക്കാന്‍ എന്റെ ഭര്‍ത്താവ് ഒരിക്കല്‍ സെറ്റില്‍ വന്നിരുന്നു. എന്നിട്ടും കാര്യങ്ങള്‍ കൂടുതല്‍ വഷളാവുകയാണ് ചെയ്തത്. പക്ഷേ, ചാനല്‍ എനിക്കൊപ്പമാണ് നിന്നത്. അയാളെ അടിച്ചപ്പോളും സൗകര്യം ഇല്ലെങ്കില്‍ ഇറങ്ങിപ്പോടീ എന്നു പറഞ്ഞ് ചീത്ത വിളിച്ചു. കേട്ടുകൊണ്ട് നില്‍ക്കാനുള്ള ക്ഷമയില്ലാത്തതുകൊണ്ടാണ് അടിച്ചത്. വളരെ മോശമായ ചീത്തയാണ് വിളിച്ചത്. തിരിച്ച് എന്നേയും ഉപദ്രവിച്ചു. മുഖത്തും കയ്യിലുമെല്ലാം മുറിവുകളുണ്ടായിരുന്നു”.
