അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സിമ്പിളായി വീട്ടിൽ ഉണ്ടാക്കാൻ പറ്റിയ ഒരു അടിപൊളി പുഡ്ഡിങ് ആണ് സ്ട്രോബെറി പന്നക്കൊട്ട. കിടിലൻ രുചി ആയതിനാൽ മുതിർന്നവർക്കും കുട്ടികൾക്കും ഇഷ്ടപ്പെടും.
ചേരുവകൾ
പാൽ – 1 കപ്പ്
ഫ്രഷ് ക്രീം / വിപ്പിംഗ് ക്രീം – 1 കപ്പ്
പഞ്ചസാര – അരക്കപ്പ്
വാനില എസൻസ് – 1 ടീസ്പൂൺ
ജെലാറ്റിൻ – 10 ഗ്രാം
സ്ട്രോബെറി മിക്സ്
തയാറാക്കാൻ വേണ്ടത് :
സ്ട്രോബെറി – 2 കപ്പ്
പഞ്ചസാര – അരക്കപ്പ്
വെള്ളം – കാൽ കപ്പ്
ജലാറ്റിൻ – 10 ഗ്രാം
ചൂടുള്ള വെള്ളം – കാൽ കപ്പ്
തയാറാക്കുന്ന വിധം :
പാൽ, വാനില എസൻസ്, പഞ്ചസാര , ഫ്രഷ് ക്രീം, ജലാറ്റിൻ എന്നിവ മിക്സ് ചെയ്ത് ജലാറ്റിൻ അലിയുന്നത് വരെ ഒന്ന് ചൂടാക്കി എടുക്കുക, തിളപ്പിക്കരുത്. ഈ സമയം ഒരു ട്രേയിൽ ഗ്ലാസുകൾ ചെരിച്ചു വെച്ച് തയാറാക്കിയ വാനില മിക്സ് ഒഴിച്ചു ഫ്രിഡ്ജിൽ വച്ച് സെറ്റ്ചെയ്തെടുക്കുക. മറ്റൊരു പാനിൽ സ്ട്രോബെറി , വെള്ളം, പഞ്ചസാര എന്നിവ ചേർത്തു തിള വരുമ്പോൾ തീ ഓഫ് ചെയ്ത് തണുക്കാനായി വെക്കുക, തണുത്തുകഴിഞ്ഞാൽ മിക്സിയിലിട്ട് അരച്ചെടുത്തു അരിച്ചു മാറ്റിവെക്കുക. ജലാറ്റിൻ ചൂടുള്ള വെള്ളമൊഴിച്ചു അലിയിച്ചെടുത്തു സ്ട്രോബെറി മിക്സിയിലേക്ക് ഒഴിച്ചു കൊടുത്തു നന്നായി യോജിപ്പിച്ചെടുക്കുക, ഈ കൂട്ട്‌ സെറ്റ് ചെയ്ത ഗ്ലാസിലൊഴിച്ച് ഫ്രിഡ്ജിൽ സെറ്റ് ചെയ്തെടുക്കാം.
