കനത്ത മഴയില്‍ നദി കര കവിഞ്ഞൊഴുകി; ഫാല്‍ഗു നദിയില്‍ നിന്നും യുവതിയെ രക്ഷിക്കുന്നതിന്റെ വീഡിയോ വൈറല്‍

കഴിഞ്ഞ കുറച്ച് ദിവസങ്ങളായി ബീഹാറിലെ ഗയയില്‍ തുടര്‍ച്ചയായി പെയ്യുന്ന മഴയെത്തുടര്‍ന്ന് ഫാല്‍ഗു നദിയിലെ ജലനിരപ്പ് പെട്ടെന്ന് ഉയര്‍ന്നു. ഇടയ്ക്കിടെ പെയ്ത മഴയെത്തുടര്‍ന്ന് ഫാല്‍ഗു നദിയിലെ ജലനിരപ്പ് പതുക്കെ ഉയര്‍ന്നുകൊണ്ടിരുന്നു. എന്നാല്‍ വ്യാഴാഴ്ച അത് അപകടനില കവിഞ്ഞു, സമീപ പ്രദേശങ്ങളില്‍ പെട്ടെന്ന് വെള്ളം കയറി. സ്ഥിതി കൂടുതല്‍ വഷളാകുന്നതിന് മുമ്പ് നാട്ടുകാരുടെ പെട്ടെന്നുള്ള ഇടപെടല്‍ നിരവധി പേരുടെ ജീവന്‍ രക്ഷിക്കാന്‍ സഹായിച്ചു.

അതിനിടയില്‍ രക്ഷാപ്രവര്‍ത്തനത്തിന്റെ ഒരു വീഡിയോ വാര്‍ത്താ ഏജന്‍സിയായ പിടിഐ എക്‌സില്‍ പോസ്റ്റ് ചെയ്തു, ഉയരുന്ന വെള്ളത്തില്‍ കുടുങ്ങിക്കിടക്കുന്ന ആളുകളെ രക്ഷിക്കാന്‍ നാട്ടുകാരും എന്‍ഡിആര്‍എഫ് ഉദ്യോഗസ്ഥരും ഒരുമിച്ച് പ്രവര്‍ത്തിക്കുന്നതായി ഇതില്‍ കാണിക്കുന്നു. ഇതില്‍ ഒരു സ്ത്രീയെ കയര്‍ കെട്ടി ഉയര്‍ത്തുന്ന കാഴ്ച വൈറലാണ്. അവര്‍ക്കു ശേഷം ഒരു കുട്ടിയെ സ്വന്തം ശരീരത്ത ബന്ധിച്ചുകൊണ്ട് പാലത്തില്‍ നിന്നും ഇട്ടു നല്‍കിയ കയറിലൂടെ വലിച്ചു കയറ്റുന്ന കാഴ്ചയും പിരിമുറക്കത്തോടെ മാത്രെമെ കാണാന്‍ സാധിക്കൂ. ഇതിനുശേം പാലത്തില്‍ നിന്നവര്‍ രക്ഷപ്പെട്ടവര്‍ക്ക് പ്രാഥമിക ശുശ്രൂഷ നല്‍കി. അതിനുശേഷം കുത്തിയൊഴുകുന്ന പുഴയുടെ ഭയാനകമായ കാഴ്ചയും ഏവരെയും ഞെട്ടിക്കുന്നതാണ്. വറ്റി വരണ്ട് കിടന്ന പുഴയിലേക്കാണ് മഴവെള്ളം കുത്തയൊലിച്ചെത്തിയത്. രണ്ടു പേരെ രക്ഷപ്പെടുത്തുന്ന വീഡിയോ ഇതിനോടകം തന്നെ വൈറല്‍ ആയിട്ടുണ്ട്. നാട്ടുകാരും എന്‍ഡിആര്‍എഫ് സംഘവും ചേര്‍ന്നാണ് ഇരുവരെയും രക്ഷപ്പെടുത്തിയത്. പുഴയുടെ കരയ.ിലുള്ളവര്‍ അതീവ ജാഗ്രത പാലിക്കാന്‍ ജില്ലാ ഭരണകൂടം നിര്‍ദ്ദേശം നല്‍കി.

വീഡിയോ ഇവിടെ നോക്കൂ:

VIDEO | Gaya, Bihar: Several people, who were stuck in swollen Falgu river, rescued by locals and NDRF team. Gaya and adjoining regions have been receiving continuous rains for the last couple of days. #BiharNews #BiharRain

(Full video available on PTI Videos -… pic.twitter.com/pmO2hdF2dU

— Press Trust of India (@PTI_News) June 19, 2025

‘നദിയില്‍ കുറച്ച് ആളുകള്‍ കുടുങ്ങിക്കിടക്കുന്നതായി ചിലര്‍ അറിയിച്ചു. ഞങ്ങളില്‍ നാലഞ്ച് പേര്‍ ഇവിടെയെത്തി അവരെ രക്ഷപ്പെടുത്തി. ഏകദേശം 1213 പേരെ രക്ഷപ്പെടുത്തി,’ ഓപ്പറേഷനില്‍ ഒരു രക്ഷാപ്രവര്‍ത്തകന്‍ ദേശീയ വാര്‍ത്ത ഏജന്‍സിയായ പിടിഐയോട് പറഞ്ഞു. കനത്ത മഴയും നേപ്പാളില്‍ നിന്നുള്ള വെള്ളം തുറന്നുവിടലും കാരണം ജലനിരപ്പ് കുത്തനെ ഉയര്‍ന്നു, ഇത് വിദൂര പ്രദേശങ്ങളിലെ ആളുകള്‍ക്ക് യാത്ര ചെയ്യാന്‍ ബുദ്ധിമുട്ടായി. അയോധ്യയില്‍ ഏറ്റവും കൂടുതല്‍ മഴ ലഭിക്കുന്നതിനാല്‍ യുപിയില്‍ കൂടുതല്‍ മഴയ്ക്ക് സാധ്യത:
ഉത്തര്‍പ്രദേശിലെ അയോധ്യയിലാണ് ഏറ്റവും കൂടുതല്‍ മഴ ലഭിച്ചത്, 25.8 മില്ലിമീറ്റര്‍, ചുര്‍ക്ക് (5.6 മില്ലിമീറ്റര്‍), സുല്‍ത്താന്‍പൂര്‍ (5.2 മില്ലിമീറ്റര്‍). ഇന്ന് മുതല്‍ സംസ്ഥാനത്ത് കൂടുതല്‍ വ്യാപകമായ മഴ ലഭിക്കാന്‍ സാധ്യതയുണ്ട്.