അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈകീട്ട് ചായക്കൊപ്പം കഴിക്കാൻ ഒരു കിടിലൻ ഉന്നക്കായ ഉണ്ടാക്കിയാലോ? വളരെ എളുപ്പത്തിൽ രുചികരമായി തന്നെ തയ്യാറാക്കാം.
ആവശ്യമായ ചേരുവകൾ
- നേന്ത്രപ്പഴം – 3 എണ്ണം
- നെയ്യ് – 2 ടേബിൾ സ്പൂൺ
- അണ്ടിപരിപ്പ് – 10 എണ്ണം
- ഉണക്കമുന്തിരി – 1 ടേബിൾ സ്പൂൺ
- തേങ്ങ ചിരവിയത് – 1½ കപ്പ്
- പഞ്ചസാര – 2 ടേബിൾ സ്പൂൺ
- മുട്ട – 1 എണ്ണം
- ഏലയ്ക്ക പൊടിച്ചത് – ½ ടീസ്പൂൺ
തയ്യാറാക്കുന്ന വിധം
നേന്ത്രപ്പഴം രണ്ട് കഷ്ണം ആയി മുറിച്ചു ആവിയിൽ വേവിച്ചെടുത്ത് പഴത്തിന്റെ ഉള്ളിലുള്ള കറുത്ത നാരൊക്കെ എടുത്തു കളഞ്ഞു നന്നായി ഉടച്ചെടുക്കണം. മിക്സിയിൽ അരക്കരുത്. സ്പൂണോ, ഫോർക്കോ പൊട്ടറ്റോ സ്മാഷറോ കൊണ്ട് ഉടച്ചെടുക്കാം.
ഫില്ലിങ് തയ്യാറാക്കാൻ
നെയ്യിൽ അണ്ടിപരിപ്പ്, ഉണക്കമുന്തിരി, ചിരവിയ തേങ്ങ, പഞ്ചസാര, മുട്ട, ഏലക്കായപൊടിച്ചതും ചേർത്ത് വഴറ്റി മാറ്റിവയ്ക്കുക. ഇനി തയ്യാറാക്കി വെച്ചിരിക്കുന്ന പഴകൂട്ടിൽ നിന്നും ഓരോ ഉരുളകൾ ആക്കി കയ്യിൽ വെച്ച് പരത്തി ഉള്ളിൽ ഫില്ലിങ് വച്ച് ഷേപ്പ് ആക്കി എണ്ണയിൽ വറുത്തു എടുക്കാം. –
