അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചെന്നൈയിൽ ഭിന്നശേഷിക്കാരനായ ഭര്‍ത്താവിനെ ഓഫീസില്‍ കയറി ക്രൂരമായി മർദിച്ച് ഭാര്യ. സഹപ്രവര്‍ത്തകരുടെ മുന്നില്‍ വെച്ച് ഭർത്താവ് സെന്തില്‍ നാഥനെ ആക്രമിക്കുന്ന ഭാര്യ മീരാമണിയുടെ വീഡിയോ സമൂഹ മാധ്യമങ്ങളിൽ പ്രചരിക്കുകയാണ്. സംഭവത്തിൽ മീരാമണിക്കെതിരെ ഭർത്താവ് സെന്തില്‍ നാഥ് കോടതിയെ സമീപിച്ചു.
വീഡിയോയില്‍ മീരാമണി മറ്റ് സഹപ്രവര്‍ത്തകരുടെ മുന്നില്‍ വച്ച് ഭർത്താവ് സെന്തില്‍ നാഥനെ ആക്രമിക്കുന്നത് കാണാം. സ്ഥാപനത്തിലെ ചില സ്ത്രീകളാണ് മീരാമണിയെ പിടിച്ച് മാറ്റുന്നത്. സ്ഥാപനത്തിലെ ഫ്ലവര്‍വേസ് അടക്കമുള്ള സാധനങ്ങളെടുത്ത് മീരാമണി മറ്റുള്ളവരുടെ നേരെ എറിയുകയും. ഭർത്താവിനെ ചവിട്ടുകയും അടിക്കുകയും ചെയ്ത സ്ത്രീയെ ഏറെ നേരത്തെ പരിശ്രമത്തിന് ശേഷമാണ് ഓഫീസിൽ നിന്നും പുറത്താക്കിയത്.
ആദ്യമൊക്കെ ഇരുവരുടെയും കുട്ടിയുടെ ആവകാശത്തിന് വേണ്ടിയായിരുന്നു വഴക്കെന്നും ഇപ്പോൾ പണം ആവശ്യപ്പെട്ടാണ് മീരാമണി തന്നെ ഉപദ്രവിക്കുന്നതെന്നും സെന്തില്‍ പറഞ്ഞു. മാസം 40,000 രൂപയ്ക്ക് വേണ്ടിയാണ് മീരാമണി തന്നെ ഉപദ്രവിക്കുന്നതെന്നും തനിക്ക് ജീവനില്‍ ഭയമുണ്ടെന്നും സെന്തില്‍ വ്യക്തമാക്കി.
STORY HIGHLIHT: woman attacks specially abled husband
