അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബ്രേക്ക്ഫാസ്റ്റിന് ദോശയ്ക്കും ഇഡ്ഡലിക്കും പുട്ടിനുമൊപ്പമൊക്കെ കഴിക്കാന്‍ പാകത്തിത്തില്‍ ഒരു കിടിലന്‍ കറി നമുക്ക് ഉണ്ടാക്കിയാലോ ? നല്ല കിടിലന്‍ രുചിയില്‍ തക്കാളി ചമ്മന്തി തയ്യാറാക്കുന്നത് എങ്ങനെയെന്ന് നോക്കാം.
ചേരുവകള്‍
തക്കാളി അരിഞ്ഞത് – 2 വലുത്
സവാള അരിഞ്ഞത് – 1 ചെറുത്
പച്ചമുളക് അരിഞ്ഞത് – 2 എണ്ണം
വെളുത്തുള്ളി അരിഞ്ഞത് – 3 എണ്ണം
മുളകുപൊടി – 1 ടേബിള്‍ സ്പൂണ്‍
കായപ്പൊടി – കാല്‍ ടീസ്പൂണ്‍
പഞ്ചസാര – കാല്‍ ടീസ്പൂണ്‍
കറിവേപ്പില – ആവശ്യത്തിന്
തയ്യാറാക്കുന്ന വിധം
ഫ്രൈയിങ് പാനില്‍ മൂന്ന് ടേബിള്‍ സ്പൂണ്‍ എണ്ണ ഒഴിക്കുക.എണ്ണ ചൂടാകുമ്പോള്‍ അരിഞ്ഞു വച്ചിരിക്കുന്ന തക്കാളി, സവാള, പച്ചമുളക്, വെളുത്തുള്ളി എന്നിവ ചേര്‍ത്ത് കൊടുക്കുക. കാല്‍ ടേബിള്‍ സ്പൂണ്‍ ഉപ്പ് ചേര്‍ത്ത് നന്നായി ഇളക്കി കൊടുക്കാം. എല്ലാം വഴന്നു വരുന്നതുവരെ മൂടിവച്ച് വേവിച്ചെടുക്കാം. ഇതിലേക്ക് മുളകുപൊടി, കായപ്പൊടി ,പഞ്ചസാര എന്നിവ ചേര്‍ത്ത് ഇളക്കി കൊടുക്കാം.അടുപ്പില്‍ നിന്നും മാറ്റി ചൂടാറി വരുമ്പോള്‍ മിക്‌സിയിലിട്ട് നന്നായി അരച്ചെടുക്കുക.ഒരു പാന്‍ അടുപ്പില്‍ വച്ച് കടുക് താളിച്ച് അതിലേക്ക് അരച്ച ചട്‌നി ഇട്ടു നന്നായി എണ്ണ തെളിയുന്നതുവരെ ഇളക്കി കൊടുക്കാം.
