അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമകളിലെ അഭിനയ മുഹൂർത്തങ്ങളിലൂടെ പ്രേക്ഷക ഹൃദയം കവർന്ന താരമാണ് നടൻ സിദ്ധിഖ്. ഇപ്പോഴിതാ അഭിനയ ജീവിതത്തിലെ 351ാമത്തെ ചിത്രം അഭിനയിച്ച് കൊണ്ടിരിക്കുകയാണ് താരം. മാത്യു സക്കറിയ സംവിധാനം ചെയ്യുന്ന ‘മധുരമീ ജീവിതം’ എന്ന ചിത്രത്തിലാണ് സിദ്ധിഖ് ഇപ്പോൾ അഭിനയിക്കുന്നത്. 351ാമത്തെ ചിത്രം പിന്നിടുമ്പോൾ സിദ്ദിഖിന് സര്‍പ്രൈസുമായി എത്തിയിരിക്കുകയാണ് ചിത്രത്തിന്റെ അണിയറ പ്രവർത്തകർ.
സെറ്റില്‍ വെച്ച് താരത്തിന്‍റെ 351 ചിത്രം എന്ന രീതിയില്‍ കേക്ക് മുറിച്ച് ആഘോഷിച്ചിരിക്കുകയാണ് അണിയറ പ്രവര്‍ത്തകര്‍. സിദ്ദിഖിന് ഒരു സര്‍പ്രൈസ് നല്‍കാനായിരുന്നു ആദ്യം പ്ലാന്‍ ചെയ്തതെന്നും പക്ഷേ അദ്ദേഹത്തോട് അനുവാദം ചോദിക്കേണ്ടി വന്നുവെന്നും കേക്ക് മുറിക്കുന്ന വേളയില്‍ ചിത്രത്തിന്റെ സംവിധായകന്‍ മാത്യു സക്കറിയ പറഞ്ഞു. ആഘോഷത്തിൽ എല്ലാവരുടെയും പ്രാര്‍ത്ഥനയും അനുഗ്രഹവും തനിക്കുണ്ടാകണമെന്ന് സിദ്ദിഖ് പറഞ്ഞു.
മാത്യു സക്കറിയ സംവിധാനം ചെയ്യുന്ന ‘മധുരമീ ജീവിതം’ എന്ന ചിത്രം നിർമിക്കുന്നത് ഗുഡ് ഡേ മൂവീസിന്റെ ബാനറില്‍ ശ്രീലാല്‍ പ്രകാശൻ ആണ്. സിദ്ദീഖ്, വിനയ പ്രസാദ്, ജോണി ആന്റണി, ദിനേഷ് പണിക്കര്‍, റോയി സെബാസ്റ്റ്യന്‍, പ്രമോദ് വെളിയനാട്, അന്‍സല്‍ പള്ളുരുത്തി, പൂജിത, ദില്‍ഷ ഗായത്രി സുരേഷ്, ആന്റണി ഏലൂര്‍, ബേബിദുര്‍ഗ തുടങ്ങിയവർ പ്രാധാന വേഷങ്ങളിൽ എത്തുന്ന ചിത്രത്തിന്റെ ചിത്രീകരണം പുരോഗമിക്കുകയാണ്.
STORY HIGHLIGHT: siddique 351st film
