അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നാലുമണിപ്പലഹാരമായി മസാലബോണ്ട ചായക്കടയിലെ സ്പെഷ്യൽ വിഭവമാണ്. മസാല ബോണ്ട കഴിക്കാത്ത മലയാളികൾ ചുരുക്കമാണ്. എന്നാൽ ചൂട് ചായക്കൊപ്പം നാലുമണിക്ക് കുട്ടികൾക്കൊപ്പം ഇരുന്ന് കഴിക്കാൻ തയ്യാറാക്കിയാലോ ഈ ചായക്കട സ്പെഷ്യൽ.
ചേരുവകൾ
മാവ് തയ്യാറാക്കാൻ:
- കടലമാവ് – 1 കപ്പ്
- മൈദ – 2 ടേബിൾസ്പൂൺ
- മുളകുപൊടി – 1/2 ടീ സ്പൂൺ
- മഞ്ഞൾപൊടി – 1/4 ടീ സ്പൂൺ
- കായം പൊടി – 1 നുള്ള്
- ബേക്കിംഗ് പൗഡർ – 1/2 ടീ സ്പൂൺ
- ഉപ്പ് – 1/2 ടീ സ്പൂൺ
- വെള്ളം
- എണ്ണ – ആവശ്യത്തിന്
ഫില്ലിങ്ങ് തയാറാക്കാൻ:
- ഉരുളക്കിഴങ്ങ് – 3 എണ്ണം
- എണ്ണ – 2 ടേബിൾ സ്പൂൺ
- പെരുംജീരകം – 1/2 ടീ സ്പൂൺ
- സവാള – 1 എണ്ണം
- ഇഞ്ചി – 1 ചെറിയ കഷ്ണം
- പച്ചമുളക് – 2 എണ്ണം
- കറിവേപ്പില – 1 പിടി
- ഉപ്പ് – 1 ടീ സ്പൂൺ
- മഞ്ഞൾപൊടി – 1/4 ടീ സ്പൂൺ
- മുളകുപൊടി – 1/2 ടീ സ്പൂൺ
- മല്ലിയില – 2 ടേബിൾസ്പൂൺ
തയ്യാറാക്കുന്ന വിധം
ഉരുളക്കിഴങ്ങ് തൊലി കളഞ്ഞെടുത്ത് വേവിച്ചെടുക്കുക. ശേഷം ഇത് നല്ലവണ്ണം ഉടച്ചെടുക്കാം. ഇനി ഫില്ലിങ്ങ് തയാറാക്കാനായി ആദ്യം ചീനചട്ടിയിൽ എണ്ണ ചൂടാക്കുക. ഇതിലേക്ക് പെരുഞ്ചീകം, സവാള, ഇഞ്ചി, പച്ചമുളക്, കറിവേപ്പില,ഉപ്പ് എന്നിവ വഴറ്റിയെടുക്കാം. ബ്രൗൺ നിറമാകുന്നതിനു മുൻപ് തന്നെ മഞ്ഞൾ പൊടി, മുളകു പൊടി എന്നിവ ചേർക്കുക. ശേഷം ഉടച്ചെടുത്ത ഉരുളക്കിഴങ്ങും മല്ലിയിലയും വഴറ്റിയെടുത്ത കൂട്ടിലേക്ക് ചേർത്ത് കൊടുക്കുക. ബോണ്ടയുടെ അകത്തു നിറയ്ക്കാനുള്ള കൂട്ട് തയ്യാർ.
മാവ് തയ്യാറാക്കാൻ കടലമാവിലേക്ക് മൈദ, അരിപ്പൊടി,മുളകുപൊടി, മഞ്ഞൾപൊടി, കായപ്പൊടി, ബേക്കിങ്ങ് പൗഡർ, ഉപ്പ് എന്നിവ ചേർത്ത് നല്ലവണ്ണം മിക്‌സ് ചെയ്യാം. ശേഷം വെള്ളം ആവശ്യത്തിനനുസരിച്ച് ചേർത്ത് മാവ് രൂപത്തിലാക്കുക. ഇനി നേരത്തെ ഉണ്ടാക്കിയ മസാല, ചെറിയ ഉരുളകളാക്കി മാവിൽ മുക്കി വറത്തു കോരാം.
STORY HIGHLIGHT : masala bonda
