അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പുറത്ത് നല്ല മഴയല്ലേ, ഒരു ചായ കുടിച്ചാലോ? അതും നല്ല ചൂടുള്ള മസാല ചായ. തയ്യാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകൾ
- ഇഞ്ചി – 1 സ്പൂൺ
- ചുക്ക് – 1/2 സ്പൂൺ
- ഏലയ്ക്ക – 2 എണ്ണം
- പട്ട – 1/4 സ്പൂൺ
- ഗ്രാമ്പൂ – 2 എണ്ണം
- കുരുമുളക് – 4 എണ്ണം
- തക്കോലം – 1 എണ്ണം
- പാൽ – 2 ഗ്ലാസ്‌
- പഞ്ചസാര – 2 സ്പൂൺ
- ചായപ്പൊടി – 2 സ്പൂൺ
തയ്യാറാക്കുന്ന വിധം
ആദ്യം ഒരു പാത്രത്തിലേയ്ക്ക് ആവശ്യത്തിന് പാൽ ഒഴിച്ച് കൊടുത്തതിനു ശേഷം അതിലേയ്ക്ക് പട്ട, ഗ്രാമ്പൂ, ഏലയ്ക്ക, കുരുമുളക്, തക്കോലം, ഇഞ്ചി, ചുക്ക് എന്നിവ നല്ലതുപോലെ പൊടിച്ചെടുത്ത് പാലിലേക്ക് ചേർത്തു കൊടുക്കാം. ഇനി ആവശ്യത്തിന് ചായപ്പൊടിയും പഞ്ചസാരയും വെള്ളവും ചേർത്ത് നല്ലതുപോലെ തിളപ്പിച്ചെടുക്കാം. നല്ല മസാല ഫ്ലേവറും ഒപ്പം തന്നെ കുരുമുളകിന്റെ ചെറിയ ഒരു എരിവും കൂടി ചേർന്ന ഒരു ഹെൽത്തി ചായയാണിത്.
