13 സ​ർ​വ​ക​ലാ​ശാ​ല​ക​ളി​ൽ 12ലും ​സ്ഥി​രം വി.​സി​മാ​രി​ല്ല; ദുരവസ്ഥയെന്ന് ഹൈ​കോ​ട​തി

കൊ​ച്ചി: സം​സ്ഥാ​ന​ത്തെ സ​ർ​വ​ക​ലാ​ശാ​ല​ക​ളി​ൽ വൈ​സ്​ ചാ​ൻ​സ​ല​ർ​മാ​രു​ടെ നി​യ​മ​നം അ​നി​ശ്ചി​ത​മാ​യി നീളു​ന്ന​തി​ൽ ഹൈ​കോ​ട​തി​ക്ക്​ അ​തൃ​പ്തി. 13 സർവകലാശാലകളിൽ 12 എണ്ണത്തിനും സ്ഥിരം വൈസ് ചാൻസലർമാർ ഇല്ലാത്ത ദുരവസ്ഥ ഉന്നതവിദ്യാഭ്യാസ മേഖലയ്ക്കു ഗുണകരമല്ലെന്നു ഹൈക്കോടതി ചൂണ്ടിക്കാട്ടി.

താ​ൽ​ക്കാ​ലി​ക നി​യ​മ​ന​ങ്ങ​ൾ ന​ട​ക്കു​മ്പോ​ൾ​പോ​ലും നി​യ​മ​ന​ട​പ​ടി​ക​ളു​മാ​യി​ കോ​ട​തി​യെ സമീപിക്കുന്നതടക്കം ചൂ​ണ്ടി​ക്കാ​ട്ടി​യാ​ണ്​ ചീ​ഫ്​ ജ​സ്റ്റി​സ്​ അ​ധ്യ​ക്ഷ​നാ​യ ഡി​വി​ഷ​ൻ ബെ​ഞ്ച്​ ഇ​തി​​ൽ അ​തൃ​പ്തി രേ​ഖ​പ്പെ​ടു​ത്തി​യ​ത്. സർവകലാശാലകളുടെ ഭരണത്തിൽ ഉൾപ്പെട്ടവർ സ്ഥാപനത്തിന്റെ ഉത്തമ താൽപര്യത്തിന് ആദ്യ പരിഗണന നൽകണം. സ്ഥിരം വിസിമാർ ഇല്ലാത്ത ദുരവസ്ഥയ്ക്കു പരിഹാരം കണ്ടെത്താൻ അധികൃതർ ശ്രമിക്കണമെന്നും കോടതി നിരീക്ഷിച്ചു.

താ​ൽ​ക്കാ​ലി​ക വി.​സി നി​യ​മ​ന​ങ്ങ​ൾ​പോ​ലും സെ​ന​റ്റം​ഗ​ങ്ങ​ൾ​ത​ന്നെ ചോ​ദ്യം ചെ​യ്യു​ക​യാ​ണ്. ഇ​ത്ത​രം മ​നോ​ഭാ​വം ഉ​ന്ന​ത വി​ദ്യാ​ഭ്യാ​സ മേ​ഖ​ല​യു​ടെ നി​ല​വാ​ര​ത്തെ ബാ​ധി​ക്കും. പ്ര​ശ്‌​ന​പ​രി​ഹാ​ര​ത്തി​ന്​ ഉ​ചി​ത ന​ട​പ​ടി​ക​ൾ വൈ​കാ​തെ സ്വീ​ക​രി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​തെ​ന്നും ചീ​ഫ് ജ​സ്റ്റി​സ് നി​തി​ൻ ജാം​ദാ​ർ, ജ​സ്റ്റി​സ് ബ​സ​ന്ത് ബാ​ലാ​ജി എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് പ​റ​ഞ്ഞു. മറ്റൊരു വിസിക്കു താൽക്കാലിക ചുമതല നൽകുന്നതിന് കേരള സർവകലാശാലാ നിയമപ്രകാരം വിലക്കില്ലാത്ത സാഹചര്യത്തിൽ ക്വോവാറന്റോ ഹർജി നിലനിൽക്കില്ലെന്നു കോടതി വ്യക്തമാക്കി.

കേരളത്തിൽ ഗവർണർ ചാൻസലറായ സർവകലാശാലകളിൽ ഒറ്റയിടത്തു മാത്രമാണു സ്ഥിരം വിസി ഉള്ളത്. താൽക്കാലിക ക്രമീകരണം വേണ്ടിവന്നാൽ ചാൻസലർക്കു പരിഗണിക്കാൻ ഒറ്റയാൾ മാത്രമാണുള്ളതെന്നും പ്രായപരിധി വ്യവസ്ഥ താൽക്കാലിക നിയമനത്തിനു ബാധകമല്ലെന്നും ചൂണ്ടിക്കാട്ടി. ചാൻസലർക്കു വേണ്ടി സീനിയർ അഡ്വ. പി. ശ്രീകുമാർ ഹാജരായി.