അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തമിഴ്‌നാട്ടിലെ ശിവകാശിയിൽ പടക്ക നിർമാണ ശാലയിൽ സ്ഫോടനം. അപകടത്തിൽ സ്ത്രീ ഉൾപ്പെടെ അഞ്ചുപേർ മരിച്ചു. നിരവധി പേർക്ക് പൊള്ളലേറ്റു. പൊള്ളലേറ്റവരെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്. അപകട സ്ഥലത്ത് രക്ഷാപ്രവർത്തനങ്ങൾ നടക്കുകയാണ്.
ചിന്നകാമൻപട്ടിയിലെ പടക്ക നിർമാണശാലയിലാണ് ഇന്ന് രാവിലെ അപകടമുണ്ടായത്. സ്ഫോടനത്തെത്തുടർന്ന് സ്ഥലത്ത് വലിയതോതിൽ പീപിടിത്തം ഉണ്ടായതായാണ് റിപ്പോർട്ടുകൾ. അഗ്നിശമനസേന സ്ഥലത്തെത്തി തീയണയ്ക്കാനുള്ള നടപടികൾ സ്വീകരിച്ചു.
