അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.400 കെ.വി വയനാട്-കാസറഗോഡ് പ്രസരണ ലൈന്‍ കടന്നു പോകുന്ന കണ്ണൂര്‍ ജില്ലയിലെ ജന പ്രതിനിധികളുമായും, കര്‍മ്മ സമിതി ഭാരവാഹികളുമായും വൈദ്യുതി മന്ത്രി കെ കൃഷ്ണന്‍കുട്ടി നടത്തിയ ചര്‍ച്ചയെ തുടര്‍ന്ന് ഉചിതമായ നഷ്ടപരിഹാര പാക്കേജ് പ്രഖ്യാപിച്ചു. ടവര്‍ നില്‍ക്കുന്ന സ്ഥലത്തിന് ന്യായവിലയുടെ 340 ശതമാനവും, ലൈന്‍ കടന്നു പോകുന്ന ഇടനാഴിയ്ക്ക് ന്യായവിലയുടെ 60 ശതമാനവും നല്‍കും. ഭൂമിയുടെ കുറഞ്ഞ ന്യായവില സെന്റിന് 7,000/- രൂപയായി നിശ്ചയിച്ചു.
മുറിച്ചു മാറ്റുന്ന മരങ്ങള്‍ക്ക് ജില്ലാ കലക്ടര്‍ നിശ്ചയിക്കുന്ന നിരക്കില്‍ നഷ്ടപരിഹാരം നല്‍കും. കൂടാതെ ലൈനിനു താഴെ വരുന്ന വീടുകള്‍ക്ക് രണ്ട് ലക്ഷം രൂപ അധിക നഷ്ടപരിഹാരവും നല്‍കും. വടക്കന്‍ ജില്ലകളിലെ വൈദ്യുതി ക്ഷാമം പരിഹരിക്കാനും മലബാറിന്റെ വികസനത്തിന് വലിയ മാറ്റമുണ്ടാക്കാനും 400 കെ.വി വയനാട്-കാസറഗോഡ് പ്രസരണ ലൈന്‍ യാഥാര്‍ത്ഥ്യമായാല്‍ സാധിക്കും. എം.എല്‍.എ.മാരായ സണ്ണി ജോസഫ്, സജി
ജോസഫ്, കണ്ണൂര്‍ ജില്ലാ കളക്ടര്‍ അരുണ്‍ കെ. വിജയന്‍, വൈദ്യുതി ബോര്‍ഡ് ചെയര്‍മാന്‍ & മാനേജിംഗ് ഡയറക്ടര്‍ മിര്‍ മുഹമ്മദ് അലി ഐ.എ.എസ്., കെ.എസ്.ഇ.ബി.എല്‍ ഡയറക്ടര്‍മാരായ ബിജു ആര്‍., ശിവദാസ് എസ്., ചീഫ് എന്‍ജിനീയര്‍ ഷീബ കെ.എസ്., വിവിധ പഞ്ചായത്ത് പ്രസിഡണ്ടുമാര്‍, ആക്ഷന്‍ കമ്മിറ്റി അംഗങ്ങള്‍ എന്നിവര്‍ പങ്കെടുത്തു.
CONTENT HIGH LIGHTS; 400 KV Wayanad Kasaragod line compensation package announced
