ഈ മധുരിക്കും പലഹാരം ഒന്ന് ട്രൈ ചെയ്തുനോക്കൂ…

കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു കിടിലൻ പലഹാരത്തിന്റെ റെസിപ്പി നോക്കിയാലോ? ഒരു മധുരിക്കും പലഹാരം റെസിപ്പി നോക്കാം.. രുചികരമായ ഗോതമ്പ് കൊഴുക്കട്ട റെസിപ്പി നോക്കാം.

ആവശ്യമായ ചേരുവകൾ

• അരിഞ്ഞ ചക്കപ്പഴം – ആവശ്യത്തിന്
• 1/2 കപ്പ് ഗോതമ്പുപൊടി
• 1/4 കപ്പ് ശർക്കര
• 1/4 ടീസ്പൂൺ ഏലക്കപ്പൊടി
• 1/2 ടീസപൂൺ നെയ്യ്
• തേങ്ങാപ്പീര – ആവശ്യത്തിന്
• ആവശ്യത്തിന് ഉപ്പും എണ്ണയും
• വെള്ളം – ആവശ്യത്തിന്

തയാറാക്കുന്ന വിധം

അരിഞ്ഞെടുത്ത ചക്കപ്പ‍ഴം ഗ്രൈൻഡറിലോ മറ്റോ അരച്ചെടുക്കുക.തുടർന്ന് അതിലേക്ക് ഉപ്പും ഗോതമ്പുമാവും ചേർത്ത് കുഴച്ചെടുക്കുക. ശർക്കരയും വെള്ളവും ഒരു പാത്രത്തിൽ ചേർത്ത് യോജിപ്പിച്ച് പാനിയാക്കുക. ഈ പാനി തിളയ്ക്കുമ്പോൾ ഉപ്പും ഏലക്കാപൊടിയും തേങ്ങാപ്പീരയും ചേർത്ത് യോജിപ്പിച്ചു വെള്ളം മാറ്റിയെടുക്കുക. ചെറിയ ഗോതമ്പു ബോളുകളാക്കി എടുത്തു കൈകൊണ്ടു പരത്തിയ ശേഷം തേങ്ങാപ്പീര ഉള്ളിൽവച്ച്, ഉരുട്ടി പത്ത് മിനിറ്റോളം ആവിയിൽ വേവിച്ചെടുക്കുക.