കേരള സംസ്ഥാന വൈദ്യുതി റഗുലേറ്ററി കമ്മീഷന്‍ (റിന്യുവബിള്‍ എനര്‍ജി ആന്റ് റിലേറ്റഡ് മാറ്റേഴ്‌സ്) റഗുലേഷന്‍സ്, 2025ന്റെ കരട് മേയ് 30 ന് പൊതുജനങ്ങളുടെയും മറ്റ് തല്‍പ്പരകക്ഷികളുടെയും അഭിപ്രായങ്ങള്‍ക്കും നിര്‍ദ്ദേശങ്ങള്‍ക്കുമായി കമ്മീഷന്റെ വെബ്സൈറ്റില്‍ പ്രസിദ്ധീകരിച്ചിരുന്നു. ഈ കരടിന്മേല്‍ ജൂലൈ 8,9,10,11 തീയതികളില്‍ പൊതുതെളിവെടുപ്പ് ഓണ്‍ലൈനായി നടത്തുമെന്ന് കമ്മീഷന്‍ അറിയിച്ചിരുന്നു. എന്നാല്‍ ജൂലൈ 9 ന് പ്രഖ്യാപിച്ചിട്ടുള്ള പൊതുപണിമുടക്ക് പരിഗണിച്ച് ജൂലൈ 9 ലെ ഓണ്‍ലൈന്‍ ഹിയറിംഗ് ജൂലൈ 16 ലേക്ക് മാറ്റിവച്ചതായി കമ്മീഷന്‍ അറിയിച്ചു.
ഓണ്‍ലൈന്‍ പൊതുതെളിവെടുപ്പില്‍ പങ്കെടുക്കുവാനായി രജിസ്റ്റര്‍ ചെയ്തിട്ടുള്ള ഉപഭോക്താക്കള്‍ക്കും മറ്റ് തല്‍പ്പരകക്ഷികള്‍ക്കും ഹിയറിംഗ് തീയതി, സമയം, ലിങ്ക് എന്നിവ ഇ-മെയില്‍ / വാട്ട്‌സാപ്പ് മുഖേന അറിയിക്കുന്നതായിരിക്കും. കൂടാതെ കമ്മിഷന്റെ യൂട്യൂബ് (www.youtube.com/@keralaerc) മുഖേന പൊതുതെളിവെടുപ്പിന്റെ ഓണ്‍ലൈന്‍ സ്ട്രീമിംഗ് ഉണ്ടായിരിക്കും. ഹിയറിംഗില്‍ ഓണ്‍ലൈന്‍ ആയി പങ്കെടുക്കുവാന്‍ കഴിയാത്തവര്‍ക്ക് യൂട്യൂബ് ചാനല്‍ വഴി ഹിയറിംഗ് നടപടികള്‍ കാണാം. കൂടാതെ പൊതുജനങ്ങള്‍ക്കും മറ്റ് തല്‍പ്പരകക്ഷികള്‍ക്കും അഭിപ്രായങ്ങള്‍ രേഖാമൂലം ജൂലൈ 14 വൈകിട്ട് 5 മണിവരെ അറിയിക്കാം.
CONTENT HIGH LIGHTS; Electricity Regulatory Commission’s public hearing: Online streaming from 8