അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഡല്‍ഹി എന്‍സിആറിലെ ഹരിയാനയോട് ചേര്‍ന്നുള്ള പ്രദേശമാണ് ഗുഡ്ഗാവ് അഥവാ ഗുരുഗ്രാം എന്നു വിളിക്കുന്ന നഗരം സ്ഥിതി ചെയ്യുന്നത്. ഹെടെക്ക് സിറ്റിയാണെങ്കിലും ഇവിടുത്തെ ശുചിത്വമില്ലായ്മയെക്കുറിച്ചുള്ള ചര്‍ച്ചയില്‍ പങ്കുചേര്‍ന്ന് ഇന്ത്യയില്‍ താമസിക്കുന്ന ഒരു ഫ്രഞ്ച് പ്രവാസി, തെരുവുകളില്‍ നിറഞ്ഞിരിക്കുന്ന മാലിന്യങ്ങള്‍ കണ്ട് താന്‍ ‘ഭയപ്പെടുന്നു’ എന്ന് പറഞ്ഞു. ഇന്ത്യയില്‍ താമസിക്കുന്ന ഫ്രഞ്ച് വനിതയായ മാത്തില്‍ഡെ പറഞ്ഞത്, താന്‍ സന്ദര്‍ശിച്ച മറ്റൊരു രാജ്യത്തും ഇത്രയും വൃത്തികേട് കണ്ടിട്ടില്ല എന്നാണ്.
As a french expact living in #gurgaon , i am horrified by the actual state of the city . I have never seen so much filth, trashes, and broken roads in any other country I have visited. Africa, Asia, south-America are 100 times cleaner. It is sad for indians. And for india. https://t.co/pTbeEP1lcX
— mathilde R. (@MathildeRa77404) July 4, 2025
യൂറോപ്പിലെ ചില രാജ്യങ്ങള്‍ ശുചിത്വത്തിനും അടിസ്ഥാന സൗകര്യങ്ങള്‍ക്കും പേരുകേട്ടതാണെങ്കിലും, ആഫ്രിക്ക, ഏഷ്യ, തെക്കേ അമേരിക്ക എന്നിവിടങ്ങളിലെ രാജ്യങ്ങള്‍ പോലും ഇന്ത്യയേക്കാള്‍ ‘100 മടങ്ങ് വൃത്തിയുള്ളതാണ്’ എന്ന് മത്തില്‍ഡെ പറഞ്ഞു. ഒരു സ്‌കൂളിന് മുന്നിലുള്ള റോഡിന്റെ മുഴുവന്‍ ഭാഗവും മാലിന്യക്കൂമ്പാരമായി കിടക്കുന്നത് കാണിക്കുന്ന ഒരു വീഡിയോയ്ക്ക് മറുപടി നല്‍കുന്നതിനിടെയാണ് ഫ്രഞ്ച് പ്രവാസി ഗുഡ്ഗാവിനെതിരെ രൂക്ഷമായ വിമര്‍ശനം ഉന്നയിച്ചത്. തന്റെ രോഷം നിറഞ്ഞ വാക്കുകളാല്‍ മാത്രം ഒതുങ്ങി, നഗരത്തിന്റെ അവസ്ഥയില്‍ താന്‍ ‘ഭയപ്പെട്ടിരിക്കുന്നു’ എന്ന് അവര്‍ പറഞ്ഞു.
‘ ഗുഡ്ഗാവില്‍ താമസിക്കുന്ന ഒരു ഫ്രഞ്ച് പ്രവാസി എന്ന നിലയില്‍ , നഗരത്തിന്റെ യഥാര്‍ത്ഥ അവസ്ഥ എന്നെ ഭയപ്പെടുത്തുന്നു. ഞാന്‍ സന്ദര്‍ശിച്ച മറ്റൊരു രാജ്യത്തും ഇത്രയധികം മാലിന്യവും, മാലിന്യക്കൂമ്പാരവും, തകര്‍ന്ന റോഡുകളും ഞാന്‍ കണ്ടിട്ടില്ല,’ മതില്‍ഡെ എഴുതി. ‘ആഫ്രിക്ക, ഏഷ്യ, തെക്കേ അമേരിക്ക എന്നിവ 100 മടങ്ങ് വൃത്തിയുള്ളതാണ്. ഇന്ത്യക്കാര്‍ക്ക് ഇത് സങ്കടകരമാണ്. ഇന്ത്യയ്ക്കും,’ അവര്‍ കൂട്ടിച്ചേര്‍ത്തു.
ഗുഡ്ഗാവിലെ ശുചിത്വ പ്രശ്നം
നഗരത്തിനടുത്ത് ഡിസ്‌നിലാന്‍ഡ് തീം പാര്‍ക്ക് സ്ഥാപിക്കുന്നതിനെക്കുറിച്ച് ഹരിയാന സര്‍ക്കാര്‍ ചര്‍ച്ച ചെയ്യുന്നുണ്ടെന്ന് പ്രഖ്യാപിച്ചതിന് ശേഷമാണ് ഗുഡ്ഗാവിലെ അടിസ്ഥാന സൗകര്യങ്ങളുടെ പ്രശ്നം ശ്രദ്ധയില്‍പ്പെട്ടത്. മാലിന്യ സംസ്‌കരണത്തിന്റെ അടിസ്ഥാന പ്രശ്നം പരിഹരിക്കാതെ ഹരിയാന സംസ്ഥാനത്തിന് എങ്ങനെ ഒരു ഡിസ്‌നിലാന്‍ഡ് നിര്‍മ്മിക്കാന്‍ കഴിയുമെന്ന് ആശ്ചര്യപ്പെട്ടുകൊണ്ട്, ഗുഡ്ഗാവിലെ പൗര അധികാരികള്‍ക്കെതിരെ മുന്‍ ജെറ്റ് എയര്‍വേയ്‌സ് സിഇഒ സഞ്ജീവ് കപൂര്‍ രൂക്ഷമായ വിമര്‍ശനം ഉന്നയിച്ചത് കഴിഞ്ഞ ദിവസമാണ്. ശനിയാഴ്ച, ഗുഡ്ഗാവിലെ സെക്ടര്‍ 44 ലെ റോഡരികില്‍ ചിതറിക്കിടക്കുന്ന മാലിന്യക്കൂമ്പാരങ്ങളുടെ ചിത്രങ്ങള്‍ കപൂര്‍ തന്റെ ഔദ്യോഗിക എക്‌സ് (മുമ്പ് ട്വിറ്റര്‍) അക്കൗണ്ടില്‍ പോസ്റ്റ് ചെയ്തു, അവിടെ നിരവധി പശുക്കള്‍ കൂട്ടിയിട്ടിരിക്കുന്നതോ നില്‍ക്കുന്നതോ ആണ് കാണിക്കുന്നത്.
