അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പൊറോട്ട ഇഷ്ടമാണോ? എങ്കിൽ ഇനി നല്ല സോഫ്റ്റ് പൊറോട്ട വീട്ടിൽ തയ്യാറാക്കാം. എങ്ങനെയെന്ന് നോക്കിയാലോ? കുറച്ച് ചോറ് ഉണ്ടെങ്കിൽ നല്ല സോഫ്റ്റ് പൊറോട്ട റെഡി.
ആവശ്യമായ ചേരുവകൾ
- ചോറ് – 2 ഗ്ലാസ്സ്
- മൈദ – 4 ഗ്ലാസ്സ്
- വെള്ളം – ആവശ്യത്തിന്
- ഉപ്പ് – ആവശ്യത്തിന്
- ഓയിൽ – ഒരു ടേബിൾ സ്പൂൺ
- നെയ്യ് – ആവശ്യത്തിന്
തയാറാക്കുന്ന വിധം
മിക്സിയുടെ ജാറിലേക്ക് രണ്ട് ഗ്ലാസ്സ് ചോറ് അരയാൻ ആവശ്യമായ വെള്ളം മാത്രം ചേർത്തു നന്നായി അരച്ചെടുക്കുക. ഇത് നാല് ഗ്ലാസ്സ് മൈദയിലേക്ക് ഇത് ചേർത്തു കൊടുത്തു പാകത്തിന് ഉപ്പും ചേർത്തു നന്നായി കുഴച്ചെടുക്കുക. ഇതിലേക്ക് രു ടേബിൾ സ്പൂൺ ഓയിൽ ചേർത്തു ഒന്ന് കൂടി കുഴച്ചെടുത്ത് ഒരു 15 മിനുട്ട് അടച്ചു വെക്കുക. ഇനി ഉരുളകളാക്കി കനം കുറച്ചു എണ്ണ തൂവി പരത്തി ചുറ്റിയെടുക്കുക (പരത്തിയിട്ടു കത്തി കൊണ്ട് വരഞ്ഞു കൊടുത്താൽ ലയെർ ആയിക്കിട്ടും). ചുറ്റിയെടുത്ത ഓരോ റോളും പരത്തി ചൂടായ തവയിൽ വെച്ച് തിരിച്ചും മറിച്ചും ഇട്ട് ഇടക്ക് ഓയിലും നെയ്യും തൂവി ചുട്ടെടുക്കാം. ചൂടോട് കൂടി തന്നെ പൊറാട്ട കൈ വെച്ച് അടിച്ചെടുക്കാം.
