അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈദ്യുത വാഹനങ്ങൾക്ക് പൊതുവേ കേന്ദ്ര സർക്കാർ വലിയ പ്രോത്സാഹനം നൽകാറുണ്ട്. കാലക്രമേണ ക്രൂഡ് ഓയിൽ ആശ്രിതത്ത്വം കുറയ്ക്കുകയും, ക്ലീൻ എനർജി സെക്ടറിന് പ്രാധാന്യം വർധിപ്പിക്കുകയും ചെയ്യുക എന്നത് തന്നെയാണ് അതിന് കാരണം. പൊതുവെ സാധാരണ വാഹന വായ്പകളേക്കാൾ ഇ.വി ലോണുകൾക്ക് 5-25 ബേസിസ് പോയിന്റുകൾ കുറവാണ്. മറ്റ് പല ആനുകൂല്യങ്ങളും ഇത്തരം വായ്പകൾക്ക് ലഭ്യവുമാണ്
പ്രൊസസിങ് ഫീസ് വെയ്വർ, ഫ്ലെക്സിബിളായ വ്യവസ്ഥകൾ എന്നിവ ഇ.വി വായ്പകളെ കൂടുതൽ ആകർഷകമാക്കുന്നു. പൊതുവെ ദീർഘമായ കാലാവധിയും, സബ്സിഡിയും ഇ.വി ലോണുകളുടെ മറ്റ് പ്രത്യേകതകളാണ്.
Internal Combustion Engine (ICE) കാർ ലോണുകളേക്കാൾ ഇലക്ട്രിക് കാറുകൾക്ക് ബാങ്കുകൾ താരതമ്യേന 5-25 ബേസിസ് പോയിന്റുകൾ ഡിസ്കൗണ്ടിലാണ് വായ്പ അനുവദിക്കുന്നത്. പ്രീ-പേയ്മെന്റ് ചാർജ്ജുകളൊന്നും ഈടാക്കാറുമില്ല. അതേ സമയം ബാറ്ററി ലൈഫ്, റീസെയിൽ വാല്യു എന്നിവയിൽ ആശങ്കകൾ നില നിൽക്കുന്നതിനാൽ ഇ.വി വായ്പകളുടെ പലിശ ICE വാഹന വായ്പകളേക്കാൾ ഉയർന്നു നിൽക്കുന്നു.
അതേ സമയം ഇടയ്ക്കിടെ ബാങ്കുകൾ ഇ.വി ലോണുകൾക്ക് സ്പെഷ്യൽ ഓഫറുകൾ പ്രഖ്യാപിക്കാറുണ്ട്. ഉദാരണത്തിന് ലോകപരിസ്ഥിതി ദിനവുമാിയ ബന്ധപ്പെട്ട് പഞ്ചാബ് നാഷണൽ ബാങ്ക് ഇത്തരം വായ്പകളുടെ പലിശ, പരമ്പരാഗത ഓട്ടോ ലോണുകളുമായി താരതമ്യപ്പെടുത്തുമ്പോൾ 0.5% കുറച്ചിരുന്നു. ഇപ്രകാരം 8.30% മുതൽ പലിശയിൽ ലോൺ ലഭ്യമാക്കുകയാണ് ചെയ്തത്. പി.എൻ.ബി വൺ ആപ്ലിക്കേഷൻ വഴിയും, ഡിജിറ്റൽ ചാനലുകളിലൂടെയും ഇ.വി ലോൺ നടപടിക്രമങ്ങൾ കൂടുതൽ എളുപ്പമാക്കുകയും ചെയ്തു.
മികച്ച ക്രെഡിറ്റ് സ്കോറുള്ള നഗരപ്രദേശങ്ങളിലെ ശമ്പളവരുമാനക്കാർക്ക് കൂടുതൽ ആനുകൂല്യങ്ങൾ ലഭിക്കാറുണ്ട്. താരതമ്യേന റിസ്ക് കുറഞ്ഞ വിഭാഗത്തിൽ ഇത്തരക്കാരെ ബാങ്കുകൾ ഉൾപ്പെടുത്തുന്നതാണ് കാരണം. ഇവർക്ക് കൂടുതൽ മെച്ചപ്പെട്ട പലിശ നിരക്കുകൾ വാഗ്ദാനം ചെയ്യാറുണ്ട്.
ഇത്തരത്തിൽ ഇ-കാറുകളുടെ വായ്പാ നിരക്കിൽ ആനുപാതികമായി കുറവുണ്ടാവുകയും ചെയ്യുന്നു. ഇങ്ങനെ സെയിൽസ് വർധിക്കുന്നതിനാൽ സർക്കാരിന്റെ ലക്ഷ്യങ്ങളുമായി സഹകരിച്ച് ഗ്രീൻ എനർജി ലക്ഷ്യങ്ങൾ നേടാമെന്നത് കമ്പനികളെ സംബന്ധിച്ചും നേട്ടമാണ്
