അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സേമിയ ഉണ്ടോ? എങ്കിൽ ബ്രേക്ഫാസ്റ്റിന് ഒരുഗ്രൻ ഉപ്പുമാവ് റെഡി. എളുപ്പത്തിൽ തയ്യാറാക്കാവുന്ന ഒരു വെറൈറ്റി ഉപ്പുമാവ് റെസിപ്പി നോക്കാം.
ആവശ്യമായ ചേരുവകൾ
- സേമിയ – 1 കപ്പ്‌
- ഉള്ളി – 1/4 കപ്പ്‌
- പച്ചമുളക് – 2 എണ്ണം
- ഇഞ്ചി ചെറുതായി അരിഞ്ഞത്
- തേങ്ങ ചിരകിയത്
- കടുക്
- ഉഴുന്ന് പരിപ്പ് -1 ടീസ്പൂൺ
- കടല പരിപ്പ് -1 ടീസ്പൂൺ
- ചുവന്ന മുളക് -2 എണ്ണം
- വെളിച്ചെണ്ണ -2 ടേബിൾ സ്പൂൺ
- വെള്ളം – 2.5 കപ്പ്‌
- ഉപ്പ് -ആവശ്യത്തിന്
- കറി വേപ്പില
തയ്യാറാക്കുന്ന വിധം
ഒരു ഫ്രൈയിങ് പാനിൽ സേമിയ വറുത്തെടുക്കുക. എണ്ണ ഉപയോഗിക്കരുത്. ഇനി ഒരു ചീനച്ചട്ടിയിൽ എണ്ണ ഒഴിച്ച് ചൂടാക്കുക. എണ്ണ ചൂടാകുമ്പോൾ കടുകു പൊട്ടിക്കുക. ഇനി അതിലേക്ക് കടലപരിപ്പ്, ഉഴുന്നു പരിപ്പ്, ചുവന്ന മുളകു എന്നിവ ഇട്ടു വറക്കുക. അതിനുശേഷം അതിലേക്ക് ഉള്ളിയും പച്ചമുളകും കറിവേപ്പിലയും ഇഞ്ചിയും ചേർത്തു നന്നായി വഴറ്റുക. ഇതിലേക്ക് വെള്ളവും ആവശ്യത്തിന് ഉപ്പും ചേർത്തു തിളപ്പിക്കുക. ഇത് തിളച്ചു വരുമ്പോൾ അതിലേക്ക് ആദ്യം വറത്തു വച്ച സേമിയ ചേർത്തു കൊടുക്കുക. അതിനുശേഷം അത് അടച്ചു വച്ചു വേവിക്കുക. വെള്ളം വറ്റി സേമിയ വെന്തു കഴിയുമ്പോൾ തേങ്ങ ചേർക്കുക. ഒപ്പം കുറച്ചു വെളിച്ചെണ്ണയും മല്ലിയിലയും കൂടി ചേർത്തു കഴിഞ്ഞാൽ സേമിയ ഉപ്പുമാവ് റെഡി.
