ഒരു വെറൈറ്റി ചപ്പാത്തി ഉണ്ടാക്കിയാലോ? ഓട്സ് ചപ്പാത്തി റെസിപ്പി നോക്കാം

ഇന്നൊരു വെറൈറ്റി ചപ്പാത്തി ട്രൈ ചെയ്താലോ? എളുപ്പത്തിൽ രുചികരമായി തയ്യാറാക്കാവുന്ന ഓട്സ് ചപ്പാത്തി റെസിപ്പി നോക്കാം.

ആവശ്യമായ ചേരുവകൾ

• ഗോതമ്പുപൊടി – ഒരു കപ്പ്
• തൈര് -അര കപ്പ്
• ഓട്സ് പൊടിച്ചത് -അര കപ്പ്
• തക്കാളിച്ചാർ -അര കപ്പ്
• ഗരം മസാല -അര സ്പൂണ്‍
• മല്ലിപ്പൊടി -അര സ്പൂണ്‍
• നെയ്യ്-ഒരു ടീസ്പൂണ്‍
• മഞ്ഞൾപ്പൊടി -ഒരു സ്പൂണ്‍
• ആവശ്യത്തിന് ഉപ്പ്
• രണ്ടു സ്പൂൺ ഒലിവ് എണ്ണ

തയ്യാറാക്കുന്ന വിധം

മുകളിൽ പറഞ്ഞിരിക്കുന്നവയെല്ലാം ചേർത്ത് ചെറിയ ചൂടുവെള്ളത്തിൽ കുഴച്ചു അര മണിക്കൂർ വയ്ക്കുക. ശേഷം പരത്തി തവയിൽ രണ്ടുവശവും മൊരിച്ചെടുക്കുക. കിടിലൻ ഓട്സ് ചപ്പാത്തി റെഡി.