അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സ്റ്റൈലൻ ലുക്കിൽ മലയാളികളുടെ പ്രിയ താരം സ്രിന്ദ. പുത്തൻ ഫോട്ടോഷൂട്ട് ചിത്രങ്ങൾ താരം സോഷ്യൽ മീഡിയയിൽ പങ്കുവെയ്ക്കുകയും ചെയ്തു.‘ഹായ്’ എന്ന അടിക്കുറിപ്പോടെയാണ് സ്രിന്ദ ചിത്രങ്ങൾ പോസ്റ്റ് ചെയ്തത്.
നീല ജനാലകളുള്ള പഴയ കെട്ടിടത്തിന്റെ പശ്ചാത്തലത്തിൽ നീലയും പച്ചയും കലർന്ന മോഡേൺ ഡ്രസ്സ് ധരിച്ച ശ്രിന്ദയെ ചിത്രങ്ങളിൽ കാണാം.
സെലിബ്രിറ്റികളടക്കം നിരവധിപ്പേരാണ് ചിത്രത്തിന് ലൈക്കും കമന്റും ചെയ്തിരിക്കുന്നത്. ‘സൂപ്പർ ലുക്ക്’, ‘വൗ!!!’ ‘ബ്യൂട്ടിഫുൾ’ എന്നിങ്ങനെ പോകുന്നു ആരാധക കമന്റുകൾ.
2010ൽ പുറത്തിറങ്ങിയ ‘4 ഫ്രണ്ട്സ്’ എന്ന ചിത്രത്തിലൂടെയാണ് സ്രിന്ദ സിനിമ അഭിനയ രംഗത്ത് സജീവമാകുന്നത്. ‘ഇരട്ട’, ‘ബോഗയ്ൻവില്ല’, ‘കുഞ്ഞിരാമായണം’ തുടങ്ങി നിരവധി ചിത്രങ്ങളിൽ സ്രിന്ദ ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്. കൊച്ചിയിൽ സ്വന്തമായൊരു റസ്റ്ററന്റും അടുത്തിടെ താരം ആരംഭിച്ചിട്ടുണ്ട്.
