അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.“ബട്ടർ ഫ്രൂട്ട്” എന്നറിയപ്പെടുന്ന അവകാഡോ പോഷകസമ്പന്നമാണ്. വിറ്റാമിനുകൾ, ധാതുക്കൾ, ആരോഗ്യകരമായ കൊഴുപ്പുകൾ, നാരുകൾ എന്നിവ ഈ പഴത്തിൽ അടങ്ങിയിരിക്കുന്നു. പഴം ആയിട്ടും സ്മൂത്തി ഉണ്ടാക്കിയും സാലഡ് രൂപത്തിലും അവകാഡോ കഴിക്കാവുന്നതാണ്.
അവക്കാഡോ ഊർജ്ജ സമ്പുഷ്ടമായ ഭക്ഷണമാണ്. അതിനാൽ നിങ്ങൾക്ക് ഇത് ഒരു നേരത്തെ ഭക്ഷണത്തിന്.പകരമായി കഴിക്കുവാൻ ഉത്തമമായ ഭക്ഷ്യവിഭവമാണ്. അവക്കാഡോകളിലെ കൊഴുപ്പുകൾ മോണോസാചുറേറ്റഡ് ആണ്, അവ ഹൃദയാരോഗ്യത്തിന് ഗുണകരമായ കൊഴുപ്പുകളാണ്.ഒരു ഇടത്തരം വലുപ്പമുള്ള അവോക്കാഡോ 12 ഗ്രാം ഫൈബർ നൽകുന്നു, ഇത് ഫൈബറിന്റെ പ്രതിദിനം ശുപാർശ ചെയ്യപ്പെടുന്ന ഉപഭോഗത്തിന്റെ അളവായ 28 മുതൽ 34 ഗ്രാം അളവ് നിറവേറ്റാൻ വളരെയധികം സഹായം ചെയ്യുന്നു.
അടിവയറ്റിലെ അധിക കൊഴുപ്പ് ആരോഗ്യപരമായി പല തരം പ്രശ്നങ്ങൾക്കും കാരണമാകും. വയറിലെ കൊഴുപ്പ് ടൈപ്പ് 2 പ്രമേഹം, ഹൃദ്രോഗം എന്നിവയുൾപ്പെടെ ചില രോഗങ്ങളുടെ അപകടസാധ്യത വർദ്ധിപ്പിക്കുമെന്ന് പറയപ്പെടുന്നു.വയറിലെ അമിതമായി കൊഴുപ്പ് അടിഞ്ഞ് കൂടുന്നവർക്ക് പ്രമേഹം വരാനുള്ള സാധ്യത കൂടുതലാണ്. വയറിനുള്ളിലെ ഈ കൊഴുപ്പ് കുറയ്ക്കുന്നതിനും ആരോഗ്യകരമായ ഒരു ശരീരം നേടുന്നതിനും ദിവസവും ഒരു അവോക്കാഡോ വീതം കഴിക്കുന്നത് സഹായിക്കുമെന്ന് ഒരു പുതിയ പഠനം പറയുന്നു.ഇതില്‍ അടങ്ങിയിട്ടുള്ള ഫാറ്റി ആസിഡ് അധിക കലോറി എരിച്ചു കളയുന്നു.
അവോക്കാഡോ പ്രതിരോധ ശേഷി വര്‍ദ്ധിപ്പിക്കുന്നതിന് സഹായിക്കുന്നുണ്ട് .ഇത് രക്തയോട്ടം വര്‍ദ്ധിപ്പിക്കുകയും തലച്ചോറിന്റെ പ്രവര്‍ത്തനങ്ങളെ ഉദ്ദീപിപ്പിക്കുകയും ചെയ്യുന്നു. വയറിന്റെ ആരോഗ്യത്തിന് ഉത്തമമാണ് അവോക്കാഡോ. ഇത് കുടല്‍ ആരോഗ്യത്തെ സഹായിക്കുന്ന നല്ല ബാക്ടീരിയകളുടെ വളര്‍ച്ചയ്ക്ക് ഗുണകരമാണ്. അവോക്കാഡോ ആസിഡുകള്‍ കുറയ്ക്കുകയും ഫാറ്റി ആസിഡുകളും അസറ്റേറ്റും വര്‍ദ്ധിപ്പിക്കുകയും ചെയ്യുന്നു.
ഗര്‍ഭകാലത്ത് ഗര്‍ഭിണികള്‍ കഴിച്ചിരിയ്‌ക്കേണ്ട അത്യാവശ്യം ഒന്നാണ് ഫോളേറ്റ് അഥവാ ഫോളിക് ആസിഡ്. ഇതിന്റെ കുറവ് കുഞ്ഞുങ്ങളില്‍ നാഡീ സംബന്ധമായ പ്രശ്‌നങ്ങളുണ്ടാക്കും. ഇതിന്റെ നല്ലൊരു ഉറവിടമാണ് അവോക്കാഡോ. ചീരയിലും മറ്റും ഉള്ള ഇത് വളരെ അപൂര്‍വമായേ പ്രകൃതിദത്തമായി ലഭിയ്ക്കൂ. അവോക്കാഡോ അഥവാ ബട്ടര്‍ ഫ്രൂട്ട് ഇതിന്റെ അര കപ്പ് ഈ ജ്യൂസില്‍ 5 എംസിജി ഗ്രാം ഫോളിക് ആസിഡ് ഉണ്ടെന്നാണ് കണക്ക്.പ്രീ ക്ലാംസിയ എന്നൊരു അവസ്ഥയ്ക്കും ഇതു നല്ലൊരു പരിഹാരമാണ്. ഇതിലെ പൊട്ടാസ്യമാണ് ഇതിനു സഹായിക്കുന്നത്. ബിപിയെ ബാധിയ്ക്കുന്ന ഈ അവസ്ഥ വരാതിരിയ്ക്കാന്‍ ബട്ടര്‍ ഫ്രൂട്ടിലെ പൊട്ടാസ്യം സഹായിക്കുന്നു.
