അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡല്‍ഹി സീലംപുരില്‍ നാലുനില കെട്ടിടം തകര്‍ന്നുവീണ് രണ്ടുപേര്‍ക്ക് ദാരുണാന്ത്യം. നിരവധി പേര്‍ കുടുങ്ങിക്കിടക്കുന്നതായി സംശയം. 14 മാസം പ്രായമുളള ഒരു കുട്ടി ഉള്‍പ്പെടെ പത്ത് പേരെ രക്ഷപ്പെടുത്തി. ഇവരെ ജിടിബി ആശുപത്രിയില്‍ പ്രവേശിപ്പിച്ചു. രക്ഷാപ്രവർത്തനം തുടരുകയാണ്.
നാട്ടുകാരാണ് നാല് പേരെ രക്ഷപ്പെടുത്തിയത്. പിന്നീട് പൊലീസും ഫയര്‍ഫോഴ്‌സും എത്തി മറ്റുളളവരെ രക്ഷിച്ചു. എന്‍ഡിആര്‍എഫും ഏഴ് ഫയര്‍ ടെന്‍ഡറുകളും ഉള്‍പ്പെടെ എത്തിയാണ് രക്ഷാപ്രവര്‍ത്തനം.
ആളുകള്‍ തിങ്ങിപ്പാര്‍ക്കുന്ന ഇടുങ്ങിയ കോളനിയിലാണ് അപകടമുണ്ടായത്. അതിനാല്‍ രക്ഷാപ്രവര്‍ത്തനത്തിനുളള സംവിധാനങ്ങള്‍ അപകട സ്ഥലത്തെത്തിക്കുന്നത് ദുഷ്‌ക്കരമായി.
