ഇനി രസം തയ്യാറാക്കുമ്പോൾ ഇതുപോലെ ഇതുപോലെ തയ്യാറാക്കിക്കോളൂ…

ഇനി രസം തയ്യാറാക്കുമ്പോൾ ഇതുപോലെ ഇതുപോലെ തയ്യാറാക്കിക്കോളൂ… കിടിലൻ സ്വാദിൽ എളുപ്പത്തിൽ തയ്യാറാക്കാവുന്ന രസം റെസിപ്പി നോക്കാം.

ആവശ്യമായ ചേരുവകൾ

• വെളുത്തുള്ളി -മൂന്നോ നാലോ അല്ലി, ചുവന്നുള്ളി-മൂന്നോ നാലോ അല്ലിയും കൂടി ചതച്ചെടുക്കുക
• തക്കാളി -വലിയ ഒന്ന് മുറിച്ചത്
• പച്ചമുളക്-രണ്ട്
• മല്ലിയില
• ഉപ്പ്
• കടുക്
• വറ്റല്‍ മുളക്
• മുളകുപൊടി-അര സ്പൂണ്‍
• മല്ലിപൊടി-ഒരു സ്പൂണ്‍
• മഞ്ഞള്‍പൊടി-അര സ്പൂണ്‍
• കുരുമുളകുപൊടി-മുക്കാല്‍ സ്പൂണ്‍
• ഉലുവാപൊടി-അര സ്പൂണ്‍
• കായം-കാല്‍ സ്പൂണ്‍ (ഒരു ചെറിയ കഷ്ണം)
• പുളി- നെല്ലിക്കാവലുപ്പത്തില്‍ വെള്ളത്തിലിട്ടു കുതിര്‍ത്തു അരിചെടുത്തത്

തയ്യാറാക്കുന്ന വിധം

ഒരു പാത്രത്തില്‍ എണ്ണ ഒഴിച്ച് കടുക് പൊട്ടിച്ച ശേഷം വറ്റല്‍ മുളകിടുക. അതിലേക്കു വെളുത്തുള്ളി, ചുവന്നുള്ളി ചതച്ചതിട്ടു നന്നയി വഴറ്റുക. അതിലേക്കു പൊടികള്‍ എല്ലാം ഇട്ട് ചെറുതായി ഇളക്കുക. പച്ചമണം പോകുമ്പോള്‍ അതിലേക്കു പുളി പിഴിഞ്ഞ വെള്ളവും തക്കാളിയും ചേര്‍ത്ത് തിളപ്പിക്കുക. ശേഷം കായം, മല്ലിയില എന്നിവ ചേര്‍ക്കുക, രുചികരമായ രസം തയ്യാര്‍.