അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൂടരഞ്ഞിയില്‍ 39 വര്‍ഷം മുമ്പ് ഇരട്ട കൊലപാതകം നടത്തിയെന്ന പ്രതിയുടെ വെളിപ്പെടുത്തലില്‍ കൊല്ലപ്പെട്ടയാളുടെ രേഖാചിത്രം തയ്യാറാക്കി പൊലീസ്. പ്രതിയെ ചോദ്യം ചെയ്തതില്‍ നിന്ന് ലഭിച്ച വിവരപ്രകാരമാണ് രേഖാചിത്രം തയാറാക്കിയത്.
ചിത്രം 80 ശതമാനം കൃത്യമെന്നാണ് വിലയിരുത്തല്‍. മുന്‍ പൊലീസ് ഉദ്യോഗസ്ഥന്‍ പ്രേംദാസ് ആണ് രേഖാചിത്രം വരച്ചത്. പ്രതിയുടെ വെളിപ്പെടുത്തല്‍ അന്വേഷിക്കാന്‍ ഏഴംഗ സ്‌ക്വാഡ് രൂപീകരിച്ചിരുന്നു.
1989ല്‍ കോഴിക്കോട് വെള്ളയില്‍ ബീച്ചില്‍ വെച്ച് യുവാവിനെ കൊലപ്പെടുത്തി എന്ന് മുഹമ്മദ് അലി വെളിപ്പെടുത്തിയിരുന്നു. ഇതിന് സുഹൃത്ത് ബാബു സഹായിച്ചെന്നും മൊഴിയിലുണ്ട്.
1989 സെപ്തംബര്‍ 24 ന് കടപ്പുറത്ത് യുവാവ് മരിച്ച സംഭവം ഉണ്ടായെങ്കിലും മരിച്ചത് ആരെന്ന് തിരിച്ചറിയാന്‍ കഴഞ്ഞിരുന്നില്ല. മുഹമ്മദലിയുടെ മൊഴി പരിഗണിച്ച് പൊലീസ് ഈ കേസ് വീണ്ടും അന്വേഷിക്കുന്നുണ്ട്.
