അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇരുചക്ര വാഹനപ്രേമികൾക്കായിതാ സന്തോഷ വാർത്ത. അടിമുടി മാറ്റവുമായി പൾസർ എൻഎസ് 400ഇസഡ്. ബജാജ് ഔദ്യോഗികമായി ഇന്ത്യയിൽ 2025 പൾസർ NS400Z പുറത്തിറക്കി. എക്സ്-ഷോറൂം വില 1.92 ലക്ഷം രൂപ ആണ്.
പുതുക്കിയ മോഡലിൽ നിരവധി മെക്കാനിക്കൽ, പെർഫോമൻസ് അപ്‌ഗ്രേഡുകൾ കമ്പനി വരുത്തിയിട്ടുണ്ട്, അതിനാൽ തന്നെ മൊത്തത്തിലുള്ള കഴിവുകളും മെച്ചപ്പെട്ടിട്ടുണ്ട്. 2025 ബജാജ് പൾസർ NS400Z UG -യുടെ ഹൃദയം എന്നത് നമുക്ക് പരിചിതമായ അതേ 373 സിസി, സിംഗിൾ-സിലിണ്ടർ, ലിക്വിഡ്-കൂൾഡ് എൻജിനാണ്. എന്നാൽ നവീകരണങ്ങളുടെ ഭാഗമായി മുമ്പത്തെ 39.5 ബിഎച്ച്പിയിൽ നിന്ന് ഇപ്പോൾ ഇത് 42.4 ബിഎച്ച്്പിയുടെ ഉയർന്ന ഔട്ട്‌പുട്ട് ഉത്പാദിപ്പിക്കുന്നു. ടോർക്ക് 35 എൻഎമ്മിൽ തന്നെ മാറ്റമില്ലാതെ തുടരുന്നു, എൻജിൻ ആറ്-സ്പീഡ് ഗിയർബോക്സുമായി തന്നെ കണക്ട് ചെയ്തിരിക്കുന്നു. സുഗമവും ക്ലച്ച്-ലെസ് ഗിയർഷിഫ്റ്റുകളും പ്രാപ്തമാക്കുന്ന ഒരു ബൈ-ഡയറക്ഷണൽ ക്വിക്ക്ഷിഫ്റ്ററിന്റെ കൂട്ടിച്ചേർക്കലാണ് 2025 മോഡലിന്റെ പ്രധാന ഹൈലൈറ്റ്.
അടുത്തതായി, ഏത് സാഹചര്യങ്ങളിലും മെച്ചപ്പെട്ട ഗ്രിപ്പ് വാഗ്ദാനം ചെയ്യുന്നതിനായി ബജാജ് പഴയ 140-സെക്ഷൻ MRF Revz പിൻ ടയറിന് പകരം വിശാലമായ 150 -സെക്ഷൻ അപ്പോളോ ആൽഫ H1 യൂണിറ്റുകളാണ് വാഗ്ദാനം ചെയ്യുന്നത്. മുൻവശത്ത് 110/70-R17 ടയർ തന്നെയാണ് ഇപ്പോഴും വരുന്നത്, എന്നാൽ അതും ഇപ്പോൾ അപ്പോളോ H1 -ലേക്ക് അപ്പ്ഗ്രേഡ് ചെയ്തിരിക്കുന്നു എന്നതും ശ്രദ്ധേയമാണ്.
ബ്രേക്കിംഗിന്റെ കാര്യത്തിലാണ് മറ്റൊരു സ്വാഗതാർഹമായ അപ്‌ഗ്രേഡ് വരുന്നത്. പൾസർ NS400Z UG -ൽ ഇപ്പോൾ പഴയ ഓർഗാനിക് സജ്ജീകരണത്തിന് പകരം സിന്റേർഡ് ബ്രേക്ക് പാഡുകളാണ് വരുന്നത്. ഇവ ബൈറ്റും ഫീഡ്‌ബാക്കും മെച്ചപ്പെടുത്തുകയും ബ്രേക്ക് ഫേഡ് കുറയ്ക്കുകയും ചെയ്യും എന്നാണ് നിർമ്മാതാക്കളുടെ വിശ്വാസം.
മുൻ മോഡലിൽ നിന്ന് 7,000 രൂപയുടെ വില വർധനവിനൊപ്പം, ഈ അപ്‌ഗ്രേഡുകൾ പുതിയ NS400Z UG -യുടെ മൊത്തത്തിലുള്ള മൂല്യം വർധിപ്പിക്കുന്നു. രാജ്യത്തുടനീളമുള്ള ബജാജ് ഡീലർഷിപ്പുകളിൽ 2025 മോഡലിനായിട്ടുള്ള ബുക്കിംഗുകൾ ആരംഭിച്ചിട്ടുണ്ട്, ബൈക്കിന്റെ ഡെലിവറികൾ ഉടൻ ആരംഭിക്കും.
