വേനൽക്കാല സുരക്ഷ ഉറപ്പാക്കാൻ കുവൈത്ത് ഫയർ ഫോഴ്‌സ്. ജനറൽ ഫയർ ഫോഴ്‌സ് മേധാവി മേജർ ജനറൽ തലാൽ അൽ റൂമി അൽ മുഹല്ലബ് മറൈൻ സെന്റർ സന്ദർശിച്ച് വേനൽക്കാലത്ത് സുരക്ഷ ഉറപ്പാക്കുന്നതിനുള്ള ഒരുക്കങ്ങൾ വിലയിരുത്തി.
അതേസമയം കടൽത്തീരങ്ങളിലും പാർക്കുകളിലും വരുന്നവരുടെ സുരക്ഷ ഉറപ്പാക്കാൻ സെന്ററിന്റെ ഒരുക്കങ്ങൾ വിലയിരുത്തുകയാണ് സന്ദർശനത്തിന്റെ പ്രധാന ലക്ഷ്യം.
ദ്വീപുകളിലൊന്നിലുള്ള മറൈൻ പോയിന്റുകളും സംഘം സന്ദർശിച്ച് വിലയിരുത്തി. മറൈൻ സെന്‍ററുകളിലെ ജീവനക്കാരുടെ സമയോചിതമായ പ്രതികരണ ശേഷിയും സന്നദ്ധതയും പ്രശംസനീയമാണെന്നും, എല്ലാ ജീവനക്കാർക്കും നന്ദിയും അഭിനന്ദനവും രേഖപ്പെടുത്തുന്നുവെന്നുമാണ് മേജർ ജനറൽ അൽ റൂമി സന്ദർശന വേളയിൽ പറഞ്ഞു.
വരാനിരിക്കുന്ന ചൂടിന്റെ കാഠിന്യം മുൻനിർത്തി വേണ്ട മുൻകരുതലുകൾ സ്വീകരിക്കുമെന്നും ഉദ്യോഗസ്ഥർ ഉറപ്പുനൽകി.