ബ്രെഡ് ഉപയോഗിച്ച് ഉണ്ടാക്കുന്ന ഒരു പലഹാരമാണ് മസാല ബ്രെഡ്. കുട്ടികൾക്കും മുതിർന്നവർക്കും തയ്യാറാക്കി നൽകാവുന്ന മസാല ബ്രെഡ് തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
തയ്യാറാക്കുന്ന വിധം
ബ്രെഡ് ചെറിയ കഷ്ണങ്ങളായി മുറിക്കുക. ഇനി ഒരു പാൻ അടുപ്പിൽ വച്ച് മൂന്ന് ടേബിൾസ്പൂൺ വെളിച്ചെണ്ണ ഒഴിച്ചു ചൂടാക്കുക. അതിലേക്ക് അൽപ്പം ജീരകം ചേർക്കുക. ഒരു സവാള ചെറിയ കഷ്ണങ്ങളായി അരിഞ്ഞതും, രണ്ട് പച്ചമുളക് അരിഞ്ഞതും ചേർത്ത് വഴറ്റുക. സവാളയുടെ നിറം മാറി വരുമ്പോൾ ഒരു തക്കാളി കഷ്ണങ്ങളാക്കിയതു ചേർത്ത് വേവിക്കാം. പച്ചക്കറികൾ വെന്തു കഴിഞ്ഞ് കാൽ ടീസ്പൂൺ മഞ്ഞൾപ്പൊടി, അര ടീസ്പൂൺ മുളകുപൊടി, മൂന്ന് ടേബിൾസ്പൂൺ തക്കാളി സോസും ചേർക്കാം. അൽപ്പം വെള്ളം ഒഴിച്ച് തിളപ്പിക്കുക. വെള്ളം തിളച്ച് കുറുകി വരുമ്പോൾ കുറച്ച് ഗരം മസാലയും ആവശ്യത്തിന് ഉപ്പും ചേർത്തിളക്കി യോജിപ്പിക്കുക. ഇതിലേക്ക് ബ്രെഡ് കഷ്ണങ്ങൾ കൂടി ചേർത്തിളക്കി അടുപ്പിൽ നിന്നും മാറ്റാം.
STORY HIGHLIGHT : masala bread