കാന്തപുരം എ പി അബൂബക്കര് മുസ്ലിയാരുമായി കൂടിക്കാഴ്ച നടത്തി സിപിഎം സംസ്ഥാന സെക്രട്ടറി എം വി ഗോവിന്ദന്. കൂടിക്കാഴ്ച 15 മിനിറ്റോളം നീണ്ടു.
മതനിരപേക്ഷ മൂല്യമാണ് കേരളത്തിന്റെ സന്ദേശം എന്ന കാര്യം കാന്തപുരം ലോകത്തിന് മുന്നില് അവതരിപ്പിച്ചു. വര്ഗീയ ധ്രുവീകരണത്തിനുള്ള ശ്രമങ്ങള്ക്കിടെ അദ്ദേഹം മഹത്തായ മാനവികത ഉയര്ത്തിപ്പിടിച്ചുവെന്നും കൂടിക്കാഴ്ചയ്ക്ക് ശേഷം ഗോവിന്ദന് പറഞ്ഞു.
നിമിഷപ്രിയയുടെ കാര്യത്തില് നടന്നത് മനുഷ്യത്വപരമായ ഇടപെടലാണെന്ന് പറഞ്ഞ ഗോവിന്ദന്, അതിലൂടെ കാന്തപുരം നമ്മുടെയെല്ലാം പ്രിയപ്പെട്ട മുസ്ലിയാരായി മാറിയിരിക്കുകയാണെന്നും പറഞ്ഞു.
കാന്തപുരത്തിന്റെ ഇടപെടല് പ്രതീക്ഷ നല്കുന്നതാണ്. തുടര്ചര്ച്ചകളില് പ്രതീക്ഷയുണ്ടെന്നും അദ്ദേഹം കൂട്ടിച്ചേര്ത്തു.