കട്ലറ്റ് കഴിക്കാൻ ഇഷ്ടമില്ലാത്തവർ കുറവാണ്. നല്ല സോഫ്റ്റും ക്രസ്പിയുമായ ട്യൂണ കട്ലറ്റ് ഉണ്ടാക്കിയാലോ. എങ്ങനെയെന്ന് നോക്കാം.
ചേരുവകൾ
ടിന്നഡ് ട്യൂണ – 400ഗ്രാം
സവാള – 2 എണ്ണം
ഇഞ്ചി, വെളുത്തുള്ളി അരിഞ്ഞത് – 2 ടേബിൾസ്പൂൺ
പച്ചമുളക് – 4 എണ്ണം
ഉരുളക്കിഴങ്ങ് – 1 വലുത്
മഞ്ഞൾപ്പൊടി – 1/4 ടീസ്പൂൺ
ഗരം മസാല പൊടി – 1/2 ടീസ്പൂൺ
കുരുമുളക് പൊടി – 1 ടീസ്പൂൺ
കറിവേപ്പില അരിഞ്ഞത് -2 ടേബിൾസ്പൂൺ
ഉപ്പ് – ആവശ്യത്തിന്
ബ്രെഡ് – 8 എണ്ണം പൊടിച്ചത്
മുട്ട – 2 എണ്ണം
എണ്ണ – ആവശ്യത്തിന്
തയ്യാറാക്കുന്ന വിധം
ഒരു പാൻ ചൂടാക്കി അതിലേയ്ക്ക് 2 ടേബിൾ സ്പൂൺ എണ്ണ ഒഴിച്ച്, ചെറുതായി അരിഞ്ഞ സവാള, ഇഞ്ചി, വെളുത്തുള്ളി, പച്ചമുളക് എന്നിവ ചേര്‍ത്ത് വഴറ്റുക. ശേഷം അതിലേയ്ക്ക് മഞ്ഞൾപ്പൊടി, കുരുമുളക് പൊടി, ഗരം മസാല എന്നിവ ചേർത്ത് പൊടികളുടെ പച്ചമണം മാറുന്നതിനായി ഒരു മിനിറ്റ് വഴറ്റുക. അതിന് ശേഷം ടിന്നഡ് ട്യൂണയും, ഉരുളക്കിഴങ്ങ് പുഴുങ്ങിപ്പൊടിച്ചതും, ആവശ്യത്തിന് ഉപ്പ്, ചെറുതായി അരിഞ്ഞ കറിവേപ്പില എന്നിവ ചേർത്ത് നന്നായി യോജിപ്പിച്ച് 2 മിനിറ്റ് വഴറ്റുക. ഇനി തീ ഓഫ് ചെയ്ത് ചൂടാറിയതിന് ശേഷം ഈ കൂട്ട് ഇഷ്ടമുള്ള ആകൃതിയിൽ ആക്കി, അടിച്ചുവെച്ച മുട്ടയിൽ മുക്കി ബ്രഡ് പൊടിയിൽ നന്നായി പൊതിഞ്ഞ് ചൂടായ എണ്ണയിൽ വറുത്തെടുക്കുക. ഇതോടെ നല്ല ടേസ്റ്റി ട്യൂണ കട്ലറ്റ് റെഡി.