അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.താനെ: ലൈംഗികാതിക്രമം തടഞ്ഞ യുവതിയെ ഗുഡ്സ് ട്രെയിനിന് മുന്നിൽ തള്ളിയിട്ട് കൊലപ്പെടുത്തി. വെള്ളിയാഴ്ച രാവിലെ താനെ ദിവ റെയിൽവെ സ്റ്റേഷനിലാണ് സംഭവമുണ്ടായത്. പ്രതിയായ 39 കാരൻ രാജൻ സിംഗിനെ അറസ്റ്റ് ചെയ്തതായി താനെ റെയിൽവെ പൊലീസ് വ്യക്തമാക്കി.
വെള്ളിയാഴ്ച പുലർച്ചെ അഞ്ച് മണിയോടെ ബഹളം കേട്ടാണ് സമീപത്തുള്ള പ്ലാറ്റ്‌ഫോമിലുണ്ടായിരുന്ന രണ്ട് റെയിൽവെ കൺസർവൻസി ജീവനക്കാർ റെയിൽവെ പൊലീസിനെ വിവരമറിയിച്ചത്. പ്രതി സ്റ്റേഷൻ പരിസരത്ത് നിന്ന് പുറത്തിറങ്ങാൻ ശ്രമിക്കുന്നതിനിടെയാണ് അറസ്റ്റ് ചെയ്തത്.
ദിവ ഈസ്റ്റിലെ താമസക്കാരനായ ഡ്രൈവറായ രാജൻ ശിവ്‌നാരായൺ സിംഗ് എന്ന പ്രതി സ്ത്രീയെ ബലപ്രയോഗത്തിലൂടെ ആക്രമിക്കാൻ ശ്രമിക്കുകയായിരുന്നുവെന്നാണ് റിപ്പോർട്ട്.
