അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അപ്പത്തിനും ചപ്പാത്തിക്കുമൊപ്പം കഴിക്കാൻ വെജിറ്റബിൾ സ്റ്റ്യൂ ആയാലോ? വളരെ എളുപ്പത്തിൽ തന്നെ തയ്യാറാക്കാം.
ആവശ്യമായ ചേരുവകൾ
- ഉരുളക്കിഴങ്ങ് അരിഞ്ഞത് – 1 വലുത്
- കാരറ്റ് അരിഞ്ഞത് – 1 ഇടത്തരം
- ബീൻസ് അരിഞ്ഞത് – 1/2 കപ്പ്
- ഗ്രീൻ പീസ് – 1/2 കപ്പ്
- തേങ്ങാപ്പാൽ (രണ്ടാം പാൽ) – 1.5 കപ്പ്
- തേങ്ങാപ്പാൽ ( ഒന്നാം പാൽ ) – 1/2 കപ്പ്
- വെളിച്ചെണ്ണ – 1-2 ടേബിൾസ്പൂൺ
- കറുവപ്പട്ട – 1 ഇഞ്ച് കഷ്ണം
- ഗ്രാമ്പൂ – 3-4 എണ്ണം
- ഏലയ്ക്ക – 2-3 എണ്ണം
- കുരുമുളക് – 1/2 ടീസ്പൂൺ
- സവാള (കനം കുറച്ച് അരിഞ്ഞത്) – 1 ഇടത്തരം
- ഇഞ്ചി (ചെറുതായി അരിഞ്ഞത്) – 1 ടീസ്പൂൺ
- വെളുത്തുള്ളി (ചെറുതായി അരിഞ്ഞത്) – 1/2 ടീസ്പൂൺ
- പച്ചമുളക് (കീറിയത്) – 3-4 എണ്ണം
- കറിവേപ്പില – 2 തണ്ട്
- ഉപ്പ് – ആവശ്യത്തിന്
- മല്ലിയില
തയ്യാറാക്കുന്ന വിധം
ഒരു കുക്കറിൽ അരിഞ്ഞ പച്ചക്കറികളും ഗ്രീൻ പീസും ചേർക്കുക. അതിലേക്ക് കുറച്ച് ഉപ്പും രണ്ടാം പാലും ചേർത്ത് നന്നായി ഇളക്കുക. ഇത് അടച്ചുവെച്ച് പച്ചക്കറികൾ 2 വിസിൽ വേവിക്കുക. ശേഷം ഒരു പാൻ ചൂടാക്കി വെളിച്ചെണ്ണ ഒഴിക്കുക.എണ്ണ ചൂടാകുമ്പോൾ കറുവപ്പട്ട, ഗ്രാമ്പൂ, ഏലയ്ക്ക, കുരുമുളക് എന്നിവ ചേർത്ത് ഒന്ന് വഴറ്റുക. മുറുപ്പിച്ചെടുക്കുക. ഇതിലേക്ക് അരിഞ്ഞ സവാള, ഇഞ്ചി, വെളുത്തുള്ളിഎന്നിവ ചേർത്ത് വഴറ്റുക. ശേഷം ഇതിലേക്ക് കറിവേപ്പിലയും കീറിയ പച്ചമുളകും ചേർത്ത് ഒരു മിനിറ്റ് കൂടി വഴറ്റുക.
വഴറ്റിയ താളിച്ച കൂട്ടിലേക്ക് വേവിച്ച പച്ചക്കറികൾ ചേർത്ത് നന്നായി ഇളക്കുക. നന്നായി ഇളക്കി, ഒരു മിനിറ്റ് തിളക്കാൻ അനുവദിക്കുക.ഇനി തീ കുറച്ച്, ഒന്നാം പാൽ ചേർത്ത് ഇളക്കുക. തിളക്കാൻ അനുവദിക്കരുത്, ചെറുതായി ചൂടാകുമ്പോൾ തന്നെ തീ ഓഫ് ചെയ്യുക. ആവശ്യത്തിന് ഉപ്പ് ചേർത്ത് വിളമ്പാം.
