അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുഡ്ഡിംഗ് ഇഷ്ടമല്ലാത്തവരായി ആരും തന്നെ കാണില്ല. കുട്ടികൾക്കും മുതിർന്നവർക്കും ഒരുപോലെ ഇഷ്ടമുള്ള മാംഗോ കൊണ്ടൊരു രുചികരമായ പുഡ്ഡിംഗ് എങ്ങനെ തയ്യാറാക്കാം എന്ന് നോക്കിയാലോ.
ചേരുവകൾ
- പഴുത്ത മാങ്ങ – 2 എണ്ണം
- പാൽ – 1 1/2 കപ്പ്
- പഞ്ചസാര – 1/2 കപ്പ്
- കോൺ ഫ്ലോർ – 1/ 4 കപ്പ്
തയ്യാറാക്കുന്ന വിധം
മാങ്ങ തൊലി കളഞ്ഞു ചെറുതായി മുറിച്ചെടുക്കുക. ഒരു മിക്സി ജാറില്ലേക്ക് മാങ്ങ കഷ്ണങ്ങൾ , പാൽ,പഞ്ചസാര എന്നിവ ചേർത്ത് നന്നായി അടിച്ചെടുക്കുക .ഇത് ഒരു ബൗളിലേക്കു ഒഴിച്ച് കൊടുക്കാം .ഒരു ചെറിയ ബൗളിൽ കോൺ ഫ്ലോർ എടുക്കുക .ഇതിലേക്ക് പാലും ചേർത്ത് മിക്സ് ചെയ്തു വെക്കണം .ഇനി മാങ്ങ മിക്സ് വേവിക്കാൻ വെക്കാം ഇളക്കി കൊടുക്കാൻ മറക്കരുത്. മാങ്ങ മിക്സ് ഒന്ന് തിളച്ചു വന്നാൽ ഫ്ളയിം നന്നായി താഴ്ത്തി വെച്ച ശേഷം കോൺ ഫ്ലോർ മിക്സ് മാങ്ങയിലേക്കു ചേർത്ത് നന്നായി ഇളക്കുക .കോൺ ഫ്ലോർ മാങ്ങയുമായി യോജിച്ചു തിളച്ചു വന്നാൽ സ്റ്റോവ് ഓഫ് ചെയ്യാം .ഇനി പുഡ്ഡിംഗ് സെറ്റ് ചെയ്യുന്ന പാത്രത്തിലേക്ക് ഒഴിച്ച് കൊടുക്കാം .പുഡ്ഡിംഗ് ചൂടാറി വന്നാൽ ഒരു മണിക്കൂർ ഫ്രിഡ്ജിൽ വച്ച് തണുപ്പിച്ചെടുത്ത് ഉപയോഗിക്കാം.
STORY HIGHLIGHT : mango pudding recipe
