അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിരിയാണി പ്രിയരാണോ നിങ്ങൾ? എങ്കിൽ ഒരു അയക്കൂറ ബിരിയാണി ഉണ്ടാക്കിയാലോ? കിടിലൻ സ്വാദിൽ തന്നെ തയ്യാറാക്കാം. എങ്ങനെയെന്ന് നോക്കാം.
ആവശ്യമായ ചേരുവകൾ
മാരിനേഷൻ ആവശ്യമായവ
- അയക്കൂറ മീൻ – 400 ഗ്രാം
- മുളകുപൊടി – 3 ടേബിൾസ്പൂൺ
- മഞ്ഞൾപ്പൊടി –1/2 ടീസ്പൂൺ
- കുരുമുളകുപൊടി – 1 ടീസ്പൂൺ
- ഉപ്പ് – ആവശ്യത്തിന്
- വെള്ളം – 2-3 സ്പൂൺ
ഫ്രൈ ചെയ്യാൻ ആവശ്യമായവ
- വെളിച്ചെണ്ണ – ആവശ്യത്തിന്
- ബിരിയാണി മസാല
- വെളിച്ചെണ്ണ – 1 ടേബിൾസ്പൂൺ
- നെയ്യ് – 2 ടേബിൾസ്പൂൺ
- സവാള – 3 നീളത്തിൽ അരിഞ്ഞത്
- ഇഞ്ചി – 1 കഷ്ണം
- വെളുത്തുള്ളി – 8-10
- പച്ചമുളക് – 3
- തക്കാളി – 2 എണ്ണം
- മല്ലിയില, പുതിനയില – ഒരു കപ്പ്
- തൈര് – 2-3 ടേബിൾസ്പൂൺ
- ഉപ്പ് – ആവശ്യത്തിന്
അരി വേവിക്കാൻ ആവശ്യമായവ
- കൈമ അരി – 3 കപ്പ്
- പട്ട, ഗ്രാമ്പു, എലയ്ക്കായ– 3 എണ്ണം വീതം
- നെയ് – 3 ടേബിൾസ്പൂൺ
- എണ്ണ – 1 ടേബിൾസ്പൂൺ
- വെള്ളം – 4.5 കപ്പ് ചൂട് വെള്ളം
- ഉപ്പ്
ദം ചെയ്യാൻ ആവശ്യമായവ
- നെയ്യ്
- പുതിന, മല്ലിയില
- ബിസ്ത
- കശുവണ്ടി /മുന്തിരി
- ഗരം മസാല – 1 ടീസ്പൂൺ
- 1/4 കപ്പ് പാൽ +1 ടീസ്പൂൺ മഞ്ഞൾപ്പൊടി
തയ്യാറാക്കുന്ന വിധം
അയക്കൂറ കഷ്ണങ്ങളാക്കി അതിൽ മസാല പൊടികൾ ചേർത്ത് തേച്ചുപിടിപ്പിച്ച് അരമണിക്കൂർ വച്ചതിനുശേഷം അധികം മൊരിയാതെ വറുത്തെടുക്കണം. മീൻ വറുത്ത പത്രത്തിൽത്തന്നെ കുറച്ചു നെയ്യും എണ്ണയും ചേർത്ത് സവാള നന്നായി ബ്രൗൺ നിറത്തിൽ വഴറ്റിയെടുക്കുക. വഴന്നു വരുമ്പോൾ അതിലേക്ക് ഇഞ്ചി, വെളുത്തുള്ളി, പച്ചമുളക് ചതച്ചത് എന്നിവ ചേർത്ത് വഴറ്റി എടുക്കുക. പാകമായ മണം വരുമ്പോൾ അതിൽ ഗരം മസാലയും ഉപ്പും ചേർക്കുക. ശേഷം തക്കാളി, മല്ലിയില, പുതിന, തൈര് എന്നിവ ചേർത്ത് കുറുകിവരുമ്പോൾ വറുത്ത അയക്കൂറ മീൻ പൊടിഞ്ഞു പോകാതെ ചേർത്ത് ഇളക്കി ചെറുതീയിൽ 2 മിനിറ്റ് വേവിച്ചതിനു ശേഷം അടച്ചു വയ്ക്കുക.
ഇനി റൈസ് ഉണ്ടാക്കി എടുക്കലാണ് അടുത്ത ഘട്ടം. അതിനായി അരി കഴുകി വെള്ളം വലിയാൻ വയ്ക്കുക. ബിരിയാണി പാത്രം അടുപ്പിൽ വച്ച് നെയ്യൊഴിച്ച് ചൂടാകുമ്പോൾ മസാലയും അരിയും ചേർത്ത് നന്നായി വറത്തെടുക്കുക. ശേഷം അരി പൊട്ടി തുടങ്ങുമ്പോൾ തിളച്ച വെള്ളം ഉപ്പ് ചേർത്ത് അരി ഇളക്കി പാത്രം മൂടി അരി വെന്ത് വെള്ളം വറ്റുമ്പോൾ ഇറക്കിവയ്ക്കുക. ഇനി ദം ഇടാം. അടി കട്ടിയുള്ള ഒരു പാത്രം എടുത്തു മീൻ മസാല നിരത്തുക. അതിനു മുകളിൽ ഒരു ലെയർ ചോറ് മുഴുവൻ നിരത്തി ഗരംമസാലപ്പൊടി, മല്ലിയില, പുതിന, വറുത്ത ഉള്ളി, അണ്ടിപ്പരിപ്പ്, മുന്തിരി ഇവ തൂവി ദം ചെയ്യുക. സ്വാദൂറും അയക്കൂറ ബിരിയാണി റെഡി.
