അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്ലസ് വൺ പ്രവേശനത്തിന് സ്കൂളും വിഷയവും മാറ്റാൻ ട്രാൻസ്ഫർ അലോട്ട്മെന്റിന് അപേക്ഷിച്ചവർക്ക് നാളെ ഫലം അറിയാം. പ്ലസ് വൺ ട്രാൻസ്ഫർ അലോട്ട്മെന്റിന് അപേക്ഷിച്ചവർ ഉൾപ്പെടെയുള്ള അലോട്ട്മെന്റ് നാളെ (25072025) രാവിലെ 10 മുതൽ പ്രസിദ്ധീകരിക്കും.
ഹയർ സെക്കൻഡറി വകുപ്പിന്റെ പ്രവേശന വെബ്സൈറ്റായ www.hscap.kerala.gov.in ൽ ട്രാൻസ്ഫർ അലോട്ട്മെന്റ് റിസള്‍ട്ട് ലിങ്കിലൂടെ പരിശോധിക്കാം.
ട്രാന്‍സ്ഫര്‍ അലോട്ട്മെന്റിനുശേഷം ബാക്കിവരുന്ന സീറ്റില്‍ 30-ന് മെറിറ്റ് അടിസ്ഥാനത്തില്‍ തത്സമയ പ്രവേശനം നടത്തും. നാളെ മുതല്‍ തിങ്കളാഴ്ച വൈകീട്ട് നാലുവരെയാണ് അലോട്ട്മെന്റ് പ്രവേശനത്തിനുള്ള സമയപരിധി. അലോട്ട്മെന്റ് ലഭിച്ചവര്‍ നിലവില്‍ ചേര്‍ന്ന സ്‌കൂളിലെ പ്രിന്‍സിപ്പലിനെ സമീപിക്കാം.
മറ്റൊരു സ്‌കൂളില്‍ അലോട്ട്മെന്റ് ലഭിച്ചവര്‍ക്ക് ടി.സി, സ്വഭാവസര്‍ട്ടിഫിക്കറ്റ്, പ്രവേശന സമയത്ത് സമര്‍പ്പിച്ച മറ്റുരേഖകള്‍ എന്നിവ സ്‌കൂള്‍ അധികൃതര്‍ മടക്കിനല്‍കും. അലോട്ട്മെന്റ് ലെറ്ററിന്റെ പ്രിന്റ് സ്‌കൂളില്‍ നിന്നു നല്‍കും. മറ്റൊരു സ്‌കൂളില്‍ പുതിയ വിഷയത്തിലാണ് പ്രവേശനമെങ്കില്‍ ആ വിഷയത്തിന് അധികമായി വേണ്ടിവരുന്ന ഫീസ് നല്‍കണം.
