അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സെലിബ്രിറ്റി മേക്കപ്പ് ആര്‍ട്ടിസ്റ്റായ സീമ വിനീത് അടുത്തിടെയാണ് വിവാഹിതയായത്. നിശാന്ത് ആണ് വരന്‍. ഇപ്പോഴിതാ ആരാധകരുടെ ചോദ്യങ്ങള്‍ക്ക് യൂട്യൂബ് വീഡിയോയിലൂടെ മറുപടിയുമായി രംഗത്തെത്തിയിരിക്കുകയാണ് സീമ. തന്റെ ജീവിതത്തിലെ ഏറ്റവും അനുഗ്രഹിക്കപ്പെട്ട നിമിഷം ആയാണ് വിവാഹം കഴിച്ച മുഹൂര്‍ത്തത്തെ തോന്നിയതെന്നും സീമ പറയുന്നു. ഭര്‍ത്താവിന്റെ വീട്ടില്‍ താന്‍ വളരെയധികം സന്തോഷവതിയാണെന്നും സീമ വിനീത് പറഞ്ഞു. ഭര്‍ത്താവ് നിശാന്തും വീഡിയോയില്‍ ഒപ്പം ഉണ്ടായിരുന്നു.
ഇരുവരുടെയും വാക്കുകള്‍…..
”സീമ ട്രാന്‍സ്‌വുമണ്‍ ആണെന്ന് അറിയാമായിരുന്നു. പിന്നെ ഇഷ്ടമല്ലേ. അത് ആരോടും തോന്നാമല്ലോ. വിവാഹക്കാര്യം ആദ്യം വീട്ടുകാരോട് പറഞ്ഞപ്പോള്‍ എതിര്‍പ്പുണ്ടായിരുന്നു. എന്റെ വേണ്ടപ്പെട്ടവരോടാണ് ആദ്യം പറഞ്ഞത്. അവര്‍ ആദ്യം സ്വാഭാവികമായും എതിര്‍ത്തു. പിന്നെ എന്റെ അഭിപ്രായവും ഇഷ്ടവും നോക്കി. അവര്‍ എന്റെ ഇഷ്ടങ്ങള്‍ക്ക് വാല്യു തരുന്നവരാണ്. ആദ്യം എതിര്‍ത്തവരും പിന്നീട് അനുകൂലിച്ചു.”, നിശാന്ത് പറഞ്ഞു.
”വേറൊരു വീട്ടിലേക്ക് ചെന്ന് കയറുമ്പോള്‍ അവര്‍ നമ്മളോട് എങ്ങനെയാണ് സംസാരിക്കുക എന്നെല്ലാം ആദ്യം വിചാരിച്ചിരുന്നു. ചിലപ്പോള്‍ അവര്‍ നിന്നെ തുറിച്ച് നോക്കുമായിരിക്കും എന്നെല്ലാം എന്റെ സുഹൃത്തുക്കളില്‍ ചിലര്‍ പറഞ്ഞിട്ടുണ്ടായിരുന്നു. എന്നാല്‍ അങ്ങനെയൊന്നും ഉണ്ടായില്ല. എല്ലാവരും എന്നോട് നന്നായിട്ടാണ് പെരുമാറുന്നത്. ഭര്‍ത്താവിന്റെ വീട്ടിലും എന്റെ വീട്ടിലുമായിട്ടായിരിക്കും ഇനി നില്‍ക്കുക”, സീമ കൂട്ടിച്ചേര്‍ത്തു.
