അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരുകാലത്ത് കേരളത്തിലെ ഓണം ആഘോഷങ്ങളുടെ ഒഴിവാക്കാനാവാത്ത ഒരു ഭാഗമായിരുന്നു ഓണത്തല്ല് എന്ന വിനോദം. ഓണക്കാല വിനോദങ്ങളില്‍ ഏറ്റവും പഴമേറിയവയില്‍ ഒന്ന് കൂടിയാണ് ഓണത്തല്ല്. ഇടക്കാലത്ത് ഓണക്കളികളില്‍ നിന്ന് അപ്രത്യക്ഷമായ, അന്യം നിന്ന് പോയ ഈ വിനോദത്തെ തിരിച്ചു കൊണ്ടുവരിക എന്ന ലക്ഷ്യത്തോടെ ഈ വര്‍ഷം ഒരു ക്യാമ്പയിന്‍ ആരംഭിക്കുകയാണ്. പ്രശസ്ത സിനിമാ താരം ഷൈന്‍ ടോം ചാക്കോ ആണ് ഈ ക്യാമ്പയിന്റെ ബ്രാന്‍ഡ് അംബാസഡര്‍. ക്യാമ്പയിന്‍ ഉദ്ഘാടനം 2025 ഓഗസ്റ്റ് 31 നു ലോകത്തെ ഏറ്റവും വലിയ പൈനാപ്പിള്‍ മാര്‍ക്കറ്റ് ആയ വാഴക്കുളത്ത് വെച്ച് നടക്കും.
ഫൈറ്റ് നൈറ്റ് എന്ന പേരില്‍ നടത്തുന്ന ഈ ഓണത്തല്ല് ക്യാമ്പയിന്‍ അവതരിപ്പിക്കുന്നത് കാസ്പറോവ് പ്രൈം പ്രൈവറ്റ് ലിമിറ്റഡും പാന്റ് ക്ലബും ചേര്‍ന്നാണ്. ഓഗസ്റ്റ് 31 നു വെകുന്നേരം 4 മണിക്കാണ് ഇതിന്റെ ഉദ്ഘാടന ചടങ്ങുകള്‍ ആരംഭിക്കുക. കേരളാ സംസ്‌കാരവുമായി വളരെയധികം ബന്ധപെട്ടു കിടക്കുന്ന ഈ വിനോദ രൂപത്തിന് ഓണപ്പട, കൈയ്യാങ്കളി എന്നും പേരുകളുണ്ട്.
