അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാന്‍കേക്ക് ഇഷ്ടമല്ലാത്ത കുട്ടികൾ ഉണ്ടാവില്ല. ബ്രേക്ഫാസ്റ്റിന് കുട്ടികൾക്ക് തയ്യാറാക്കി നൽകാൻ പറ്റുന്ന സൂപ്പർ ബനാന പാന്‍കേക്ക് വിത്ത് ക്യാരമല്‍ സിറപ്പ് തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- ഗോതമ്പുപൊടി – 3 കപ്പ്
- ബേക്കിംഗ് പൗഡര്‍ – 3 ടീസ്പൂണ്‍
- പാല്‍ – 3 കപ്പ്
- പഞ്ചസാര – 3 ടേബിള്‍ സ്പൂണ്‍
- ബട്ടര്‍ ഉരുക്കിയത് – 4 ടേബിള്‍ സ്പൂണ്‍
- വാനില എസന്‍സ് – 2 ടീസ്പൂണ്‍
- ഉപ്പ് – 1/2 ടീസ്പൂണ്‍
- ഏത്തപ്പഴം – 2 എണ്ണം(രണ്ടെണ്ണം ഉടച്ചുവയ്ക്കുക)
- തേന്‍ – ആവശ്യത്തിന്
തയ്യാറാക്കുന്ന വിധം
ഒരു ബൗളിലേക്ക് ബേക്കിംഗ് പൗഡറും ഗോതമ്പുപൊടിയും അരിച്ചിടുക. അതിലേക്ക്പഞ്ചസാരയും ബട്ടറും വാനില എസന്‍സും,ഉപ്പും ചേര്‍ത്തിളക്കുക. ഇനി പാലും ഏത്തപ്പഴം ഉടച്ചതും ഒന്നിച്ചടിച്ച് അതും ചേര്‍ത്ത് കലക്കി വയ്ക്കാം.ഒരു നോണ്‍സ്റ്റിക്ക് പാന്‍ അടുപ്പില്‍ വച്ച് ചൂടാക്കി അല്‍പ്പം ബട്ടര്‍ പുരട്ടി ഇതിലേക്ക് മാവ് കോരിയൊഴിച്ച് തീകുറച്ചുവച്ച് രണ്ട് മിനിറ്റ് ചൂടാക്കി വേവിക്കുക. ഇങ്ങനെ മാവ് തീരുന്നതുവരെ കോരിയൊഴിച്ച് പാന്‍കേക്ക് ചുട്ടെടുക്കാം. മുകളില്‍ തേന്‍ ഒഴിച്ചോ ക്യാരമല്‍ സിറപ്പ് ഒഴിച്ചോ വിളമ്പാം.
STORY HIGHLIGHT : banana pancakes with caramel syrup
