അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മധുരം ഇഷ്ടമുള്ളവരാണോ നിങ്ങൾ. കുട്ടികൾക്കും മുതിർന്നവർക്കും ഒരുപോലെ ഇഷ്ടമുള്ള ലഡ്ഡു എങ്ങനെ വീട്ടിൽ തന്നെ എളുപ്പത്തിൽ തയ്യാറാക്കിയെടുക്കാം എന്ന നോക്കിയാലോ.
ചേരുവകൾ
- കടലപരിപ്പ് – 1 കപ്പ്‌
- പഞ്ചസാര – 1 കപ്പ്‌
- നെയ്യ് – 4 ടീസ്പൂൺ
- ഏലക്കാപൊടി – 2 നുള്ള്
- ഉപ്പ് – ഒരു നുള്ള്
- അണ്ടിപ്പരിപ്പ് – 5-6 എണ്ണം
- ഉണക്കമുന്തിരി – ചെറിയ കൈപിടി
തയ്യാറാക്കുന്ന വിധം
കടലപരിപ്പ് കഴുകിയതിന് ശേഷം ഒരു 4 മണിക്കൂർ വെള്ളത്തിൽ കുതിർത്ത് വയ്ക്കണം. ശേഷം വെള്ളം കളഞ്ഞ ശേഷം ഒരു മിക്സി ജാറിൽ ഇട്ട് ഒന്ന് അരച്ചെടുക്കണം. ഒരു പാൻ ചൂടാക്കി അതിൽ നെയ്യ് ഒഴിച്ച് അരച്ചുവച്ചത് ചേർത്ത് ഒരു അഞ്ചു മിനിറ്റ് ചെറിയ തീയിൽ ഇളക്കിയെടുക്കാം. ഇതിന്റെ വെള്ളമൊക്കെ വറ്റിയതിനുശേഷം കുറച്ച് സമയം കൂടി ഒന്ന് വറുത്തെടുക്കണം. ഇതിന്റെ ചൂട് മാറിയതിനു ശേഷം മിക്സിയുടെ ജാറിൽ ഒന്ന് തരുതരുപ്പായി പൊടിച്ചെടുക്കാം,ശേഷം ഒരു പാനിൽ പഞ്ചസാര ചേർത്ത് കൊടുക്കാം ഇതിൽ അൽപം വെള്ളവും ചേർത്ത് ഒരുനൂൽ പരുവമായാൽ ഇതിൽ നേരെത്തെ പൊടിച്ചു വച്ച കടലമിശ്രിതം ചേർത്ത് കൊടുക്കാം, നന്നായി ഒന്ന് ഇളകിയോജിപ്പിച്ചതിന് ശേഷം വറുത്തുവച്ച അണ്ടിപരിപ്പും മുന്തിരിയും ചേർത്ത് ഇളക്കിയെടുക്കാം. ശേഷം ഉരുളകളാക്കി എടുക്കാം.
STORY HIGHLIGHT : laddu
