അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിരവധി ആരോഗ്യഗുണങ്ങളുള്ള ഒന്നാണ് മുതിര. മുതിരയിൽ ഉയർന്ന അളവില്‍ ഫിനോൾ അടങ്ങിയിട്ടുണ്ട് അതിനാൽ ഇത് കഴിക്കുന്നത് അമിതവണ്ണം കുറയ്ക്കാൻ സഹായിക്കുന്നു. വിശപ്പ് കുറയ്ക്കാനും ഇത് നല്ലതാണ്.
രാവിലെ വെറും വയറ്റില്‍ ഇത് കഴിക്കാം. ജലദോഷം പോലുള്ള അവസ്ഥകള്‍ക്ക് ആശ്വാസം നല്‍കാനും ഈ സൂപ്പ് സഹായിക്കും. ഇരുമ്പിന്‍റെ അംശം കൂടുതല്‍ ഉള്ളതിനാല്‍ വിളര്‍ച്ച ഉള്ളവര്‍ക്കും ഇതൊരു ശീലമാക്കാം.
വേണ്ട സാധനങ്ങള്‍
മുതിര – ഒരു കപ്പ്
മല്ലി – ഒരു സ്പൂൺ
കടലപരിപ്പ് – ഒരു ടീസ്പൂൺ
കറിവേപ്പില – രണ്ട് തണ്ട്
ചുവന്ന മുളക് – 4 എണ്ണം
ജീരകം -ഒരു ടീസ്പൂൺ
കായം – ഒരു കഷണം
കുരുമുളക് – ഒരു ടീസ്പൂൺ
മഞ്ഞൾ പൊടി – കാൽ ടീസ്പൂൺ
തക്കാളി – ഒന്ന്
വെളുത്തുള്ളി – 5 അല്ലി
പുളി – ഒരു നെല്ലിക്ക വലുപ്പത്തിൽ
തയാറാക്കുന്ന വിധം
∙മുതിര കഴുകി വൃത്തിയാക്കി വെള്ളത്തിൽ ഇട്ട് വയ്ക്കുക. കുതിര്‍ന്ന ശേഷം കുക്കറിൽ വേവിക്കുക. നന്നായി വെന്ത് ഉടയണം.
∙ പുളി വെള്ളത്തിൽ ഇട്ട് വെയ്ക്കുക
∙ രസം പൊടി തയാറാക്കുക. കടലപ്പരിപ്പ്, ജീരകം, മല്ലി, ചുവന്ന മുളക്, കറിവേപ്പില, കുരുമുളക് നന്നായി വറുത്ത് പൊടിക്കുക.
∙മഞ്ഞൾ പൊടി, ഉപ്പ് എന്നിവ പാകത്തിന് ചേർത്ത് പുളി തിളപ്പിക്കുക. ഒരു കുഞ്ഞു കഷ്ണം കായം ചേർക്കുക. പുളി വേവായാൽ അതിലേക്ക് നന്നായി വെന്ത് ഉടഞ്ഞ മുതിര ചേർക്കുക. തക്കാളിയും വെളുത്തുള്ളിയും ചേർക്കുക.
∙എല്ലാം നന്നായി മിക്സായാൽ രസം പൊടി ചേർക്കാം. രസത്തിൽ നിന്ന് കുറച്ച് വെള്ളം എടുത്ത് രസം പൊടി നന്നായി യോജിപ്പിച്ച് ചേർക്കുക. ഒന്ന് ചെറുതായി തിളച്ചാൽ കറിവേപ്പിലയോ മല്ലിയിലയോ ചേർത്ത് വിളമ്പാം.
