അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളികൾക്ക് മറക്കാനാവാത്ത പലഹാരമാണ് അച്ചപ്പം. ഇന്നും അച്ചപ്പത്തിന് ആരാധകർ ഏറെയാണ്. സ്വാദിഷ്ടമായ നാടൻ അച്ചപ്പം തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- പച്ചരി – 2 കപ്പ്
- മുട്ട – 2 എണ്ണം
- തേങ്ങാപ്പാൽ – ½കപ്പ്
- എള്ള് – 1 ടേബിൾസ്പൂൺ
- പഞ്ചസാര – ആവശ്യത്തിന്
- ഉപ്പ് – കാൽ ടീസ്പൂൺ
- വെളിച്ചെണ്ണ
തയ്യാറാക്കുന്ന വിധം
പച്ചരി രണ്ടര മണിക്കൂർ വെള്ളത്തിൽ കുതിർത്ത ശേഷം പൊടിച്ച് അരിച്ചെടുത്തതാണ്. 4 കപ്പ് അരിപ്പൊടിയാണ് അച്ചപ്പതിനു എടുത്തത്. ഒരു ബൗളിലേക്കു അരിപ്പൊടി ചേർത്തുകൊടുക്കുക. ശേഷം രണ്ടു മുട്ട നന്നായി അടിച്ചെടുത്തതും കുറച്ചു തേങ്ങാപ്പാലും അരിപ്പൊടിയിൽ ചേർക്കുക. നന്നായി യോജിപ്പിക്കുക. ബാക്കി തേങ്ങാപ്പാലും പഞ്ചസാരയും എള്ളും ചേർത്ത് മിക്സ് ചെയ്യുക. ഇനി ഒരു പാനിൽ വെളിച്ചെണ്ണ ഒഴിച്ച് ചൂടാക്കുക ഒപ്പം തന്നെ അച്ചപ്പത്തിന്റെ അച്ചും ചൂടാക്കണം. ശേഷം ചൂടായ അച്ച് എടുത്തു ബാറ്ററിൽ മുക്കിയ ശേഷം വെളിച്ചെണ്ണയിൽ വച്ച് കൊടുക്കുക. അച്ചപ്പത്തിന്റെ ഇരുവശവും ഫ്രൈ ആയി വന്നാൽ വെളിച്ചെണ്ണയിൽ നിന്നും കോരിമാറ്റാം. അച്ചപ്പം തയ്യാർ.
STORY HIGHLIGHT : achappam
