അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ കുറഞ്ഞ സമയത്തിൽ തയ്യാറാക്കാൻ കഴിയുന്ന രുചികരമായ വിഭവമാണ് കൈതച്ചക്ക പച്ചടി. പുളിയും മധുരവും എരിവും ചേർന്ന ഈ വിഭവം എളുപ്പത്തിൽ തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- പൈനാപ്പിള്‍ – ഇടത്തരം വലിപ്പത്തില്‍ ഒന്ന്
- തേങ്ങ -അരമുറി
- പച്ചമുളക് – ആറെണ്ണം
- പുളിയില്ലാത്ത തൈര് – അരകപ്പ്
- ഉപ്പ് – ആവശ്യത്തിന്
- പഞ്ചസാര – ഒരു ടീസ്പൂണ്‍
- ജീരകം – കാല്‍ ടീസ്പൂണ്‍
- മഞ്ഞപ്പൊടി -കാല്‍ ടീസ്പൂണ്‍ മുളകുപൊടി – കാല്‍ ടീസ്പൂണ്‍ വെളിച്ചെണ്ണ – ആവശ്യത്തിന്
- കടുക് – കാല്‍ ടീ സ്പൂണ്‍ ചുവന്ന മുളക് – രണ്ട് എണ്ണം കറിവേപ്പില – രണ്ട് തണ്ട്
തയ്യാറാക്കുന്ന വിധം
പൈനാപ്പിള്‍ ചെറുതായി നുറുക്കിയെടുക്കണം. നുറുക്കിയ പൈനാപ്പിള്‍ ഉപ്പും ചേര്‍ത്ത് നന്നായി കുഴച്ചെടുക്കണം. പൈനാപ്പിളിന് മധുരം കുറവാണെങ്കില്‍ ആവശ്യത്തിന് പഞ്ചസാര ചേര്‍ക്കാം. ശേഷം പൈനാപ്പിള്‍ മിശ്രിതത്തില്‍ മഞ്ഞപ്പൊടി, മുളകുപൊടി, നീളത്തില്‍ കീറിയ നാല് പച്ചമുളക്, കറിവേപ്പില എന്നിവ ചേര്‍ത്ത് വേവിക്കണം. ഇവ വെന്തുകുറുകി വരുമ്പോള്‍ നന്നായി അരച്ചുവച്ചിരിക്കുന്ന തേങ്ങ, ജീരകം, കടുക്, പച്ചമുളക് എന്നിവ ചേര്‍ത്ത് അഞ്ചുമിനിറ്റ് കൂടി വേവിക്കണം. കറി കുറുകിവരുമ്പോള്‍ അധികം പുളിയില്ലാത്ത തൈര് കൂടി ചേര്‍ത്ത് തീ അണയ്ക്കാം. വെളിച്ചെണ്ണയില്‍ കടുക്, ചുവന്ന മുളക്, കറിവേപ്പില എന്നിവ ചേര്‍ത്തുള്ള കടുകുവറുക്കല്‍ കൂടി ചേര്‍ത്താല്‍ പൈനാപ്പില്‍ പച്ചടി തയ്യാർ.
STORY HIGHLIGHT : pineapple pachadi
