അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അമിത ചിന്ത നിങ്ങളുടെ ശരീരത്തിനും തലച്ചോറിനും എല്ലാം ദോഷം ചെയ്യും.അമിതമായി ചിന്തിക്കുമ്പോള്‍ ശരീരത്തിലും തലച്ചോറിലും എന്താണ് സംഭവിക്കുന്നത്. അമിതമായി ചിന്തിക്കുമ്പോള്‍ തലച്ചോറിന്റെ ചില ഭാഗങ്ങള്‍ സജീവമാകുന്നു. തലച്ചോറിലെ ‘ പ്രീ ഫ്രോണ്ടല്‍ കോര്‍ട്ടെക്‌സ്, ആന്റീരിയര്‍ സിങ്ഗുലേറ്റ്, ലിംബിക് സിസ്റ്റം (ഇവയൊക്കെ വികാരം, ശ്രദ്ധ, സമ്മര്‍ദ്ദം എന്നിവ പ്രോസസ് ചെയ്യുന്ന മേഖലകളാണ്. ഇവിടം തലച്ചോറിനെ നിരന്തരം ജാഗ്രതയില്‍ നിലനിര്‍ത്താന്‍ സഹായിക്കും.) തുടങ്ങിയ മേഖലകളില്‍ അമിത ചിന്തമൂലം വര്‍ധിച്ച സമ്മര്‍ദ്ദമുണ്ടാകുന്നു. അമിത ചിന്ത മൂലമുണ്ടാകുന്ന സമ്മര്‍ദ്ദം തലച്ചോറിലെ ഈ ഭാഗങ്ങളെ ബാധിക്കുകയും വിശ്രമിക്കാനോ വ്യക്തമായി ചിന്തിക്കാനോ ജാഗ്രതപുലര്‍ത്താനോ ബുദ്ധിമുട്ടാക്കുകയും ചെയ്യുന്നു.
അമിത ചിന്തകള്‍ കുറച്ച് സമ്മര്‍ദ്ദത്തെ വരുതിയിലാക്കാന്‍ ജപ്പാന്‍കാര്‍ ചില വിദ്യകള്‍ പ്രയോഗിക്കാറുണ്ട്. ഇതില്‍ പ്രധാനപ്പെട്ടതാണ് മൈന്‍ഡ് ഫുള്‍ മെഡിറ്റേഷന്‍. ഇത് ചിന്തകളെ തടഞ്ഞുനിര്‍ത്തുന്നതിന് പകരം നിരീക്ഷിക്കുകയാണ് ചെയ്യുന്നത്. നിരീക്ഷിക്കുമ്പോള്‍ മുന്‍വിധികളോ വിശകലനമോ പാടില്ല. ഇങ്ങനെ നിരീക്ഷിക്കുമ്പോള്‍ ചിന്തകളുടെ വ്യാപ്തി കുറയുന്നത് കാണാം.
മറ്റൊന്ന് ഫോറസ്റ്റ് ബാത്തിങ് ആണ്. ഇത് പാര്‍ക്കിലോ പ്രകൃതി രമണീയമായ സ്ഥലത്തിലൂടെയുള്ള നടത്തമാണ്. ഇത് മനസിനെ ശാന്തമാക്കാനും ചെറിയ അസ്വസ്തതകളെ മറികടക്കാനും സഹായിക്കും. മറ്റൊന്ന് ഇക്കിഗായ് ആണ്. ഇത് നിങ്ങളുടെ താല്‍പര്യം എന്താണെന്ന് കണ്ടെത്താനാണ് പറയുന്നത്. നിങ്ങളുടെ ലക്ഷ്യം എന്താണെന്ന് കണ്ടെത്തി അതിനുവേണ്ടി ശ്രമിക്കുന്നതിലൂടെ നെഗറ്റീവ് ചിന്തകള്‍ മാറുമെന്ന് ഇക്കിഗായ് പറയുന്നു. മറ്റൊന്ന് ഉബായിടോറിയാണ്. ഇത് നിങ്ങളുടെ ജീവിത യാത്രയെ ബഹുമാനിക്കാന്‍ പറയുന്നു. നിങ്ങളെ പോലെ നിങ്ങള്‍ മാത്രമാണെന്നും താരതമ്യം ചെയ്യരുതെന്നും ഇത് പഠിപ്പിക്കുന്നു.
