ഒരു ഹെൽത്തി സൂപ്പ് ഉണ്ടാക്കിയാലോ? രുചികരമായ ചീര സൂപ്പ് തയ്യാറാക്കാം..

ഒരു ഹെൽത്തി സൂപ്പ് ഉണ്ടാക്കിയാലോ? രുചികരമായ ചീര സൂപ്പ് റെസിപ്പി നോക്കിയാലോ? തയ്യാറാക്കുന്നത് എങ്ങനെയെന്ന് നോക്കാം.

ആവശ്യമായ ചേരുവകൾ

• ചുവന്ന ചീര ചെറുതായി അരിഞ്ഞ് – ഒരു കപ്പ്
• ഉരുളക്കിഴങ്ങ് പുഴുങ്ങി പൊടിച്ചത് – 1 ചെറുത്
• ബട്ടർ – 1 ടേബിൾ സ്പൂൺ
• സവാള ചെറുതായി അരിഞ്ഞത് – 1 എണ്ണം
• റൊട്ടി കഷണങ്ങൾ നെയ്യിൽ മൊരിച്ചത് – 1 കപ്പ്
• കുരുമുളക് പൊടി – ആവശ്യത്തിന്
• ഫ്രഷ് ക്രീം – 1 ടേബിൾ സ്പൂൺ ( ആവശ്യമെങ്കിൽ )

തയ്യാറാക്കുന്ന വിധം

ആദ്യം ചീര അര കപ്പ് വെള്ളമൊഴിച്ചു വേവിച്ച ശേഷം മിക്സിയിൽ നന്നായി അരച്ചെടുക്കുക. ശേഷം ഒരു പാനിൽ ബട്ടർ ചൂടാക്കി സവാള മൊരിച്ചശേഷം ചീര അരച്ചതും കിഴങ്ങ് പൊടിച്ചതും പാകത്തിന് വെള്ളവും ഉപ്പും കുരുമുളക് പൊടിയും ചേർത്തു നന്നായി തിളപ്പിച്ചെടുക്കുക. ഇതിലേക്ക് റൊട്ടിക്കഷണങ്ങൾ മൊരിച്ചത് ഇട്ട് ചൂടോടെ വിളമ്പാം.