വളരെ സോഫ്‌റ്റും രുചികരവുമായ നെയ്യപ്പം തയ്യാറാക്കുന്നത് എങ്ങനെയാണെന്ന് നോക്കിയാലോ – neyyappam

സോഫ്‌റ്റും രുചികരവുമായ നെയ്യപ്പം ഇഷ്ടമല്ലാത്തവരായിട്ടുള്ള ഒരു മലയാളികളും ഉണ്ടാവില്ല. കുട്ടികൾക്കും മുതിർന്നവർക്കും പ്രിയമായ വിഭവം നെയ്യപ്പം തയ്യാറാക്കുന്നത് എങ്ങനെയാണെന്ന് നോക്കിയാലോ. ഇനി വീട്ടിൽ തന്നെ വെറും10 മിനിറ്റിൽ നെയ്യപ്പം തയ്യാറാക്കിയെടുക്കാം.

ചേരുവകൾ

അരിപ്പൊടി – രണ്ട് കപ്പ്
മൈദ – ഒരു കപ്പ്
റവ – കാൽ കപ്പ്
ഏലയ്ക്ക – അൽപ്പം
ജീരകം – അൽപ്പം
ഉപ്പ് – കാൽ ടീസ്പൂൺ
ശർക്കര – അര കപ്പ്
പഴം
നെയ്യ് – ഒരു ടേബിൾസ്പൂൺ
എണ്ണ

തയ്യാറാക്കുന്ന വിധം

അടി കട്ടിയുള്ള ഒരു പാത്രം അടുപ്പിൽ വെച്ച് ശർക്കരയും, കാൽ കപ്പ് വെള്ളവും ചേർത്തിളക്കി ശർക്കര ലായനി തയ്യാറാക്കാം. ഒരു ബൗളിലേയ്ക്ക് അരിപ്പൊടി, മൈദ, റവ, ഏലയ്ക്ക പൊടിച്ചത്, ജീരകം പൊടിച്ചത്, ഉപ്പ് എന്നിവ ചേർക്കാം. അതിലേയ്ക്ക് തയ്യാറാക്കിയ ശർക്കര ലായനി കൂടി ചേർത്തിളക്കാം. ഇനി നന്നായി പഴുത്ത പഴം കാൽ കപ്പ് വെള്ളം ചേർത്ത് അരച്ചതും, ഒരു ടേബിൾസ്പൂൺ നെയ്യും കൂടി ഇതിലേയ്ക്കു ചേർത്തിളക്കാം. അടി കട്ടിയുള്ള ഒരു പാത്രം അടുപ്പിൽ വെച്ചു ചൂടാക്കി മാവ് ഒഴിച്ച് നെയ്യപ്പം വറുത്തെടുക്കാം.

STORY HIGHLIGHT : neyyappam