അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്നത്തെ കുട്ടികൾക്ക് ഇഷ്ടമുള്ള വിഭവങ്ങളിൽ ശ്രദ്ധേയമായ ഒന്നാണ് ലോഡഡ് ഫ്രൈസ്. ഇതിനുള്ള ആരാധകർ നിരവധിയാണ്. ലോഡഡ് ഫ്രൈസ് എങ്ങനെ വീട്ടിൽ തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
ചിക്കൻ
ഉപ്പ്
മുളകുപൊടി
മഞ്ഞൾപ്പൊടി
ഇഞ്ചി
വെളുത്തുള്ളി
കറിവേപ്പില
മുട്ട
കോൺഫ്ലോർ
കുരുമുളകുപൊടി
വെണ്ണ
എണ്ണ
മൈദ
ചീസ്
ഉരുളക്കിഴങ്ങ്
തയ്യാറാക്കുന്ന വിധം
നന്നായി കഴുകി വൃത്തിയാക്കിയ ചിക്കൻ ചെറിയ കഷ്ണങ്ങളാക്കി മുറിക്കുക. ഇതിലേയ്ക്ക് ആവശ്യത്തിന് ഉപ്പ്, മുളകുപൊടി, മഞ്ഞൾപ്പൊടി, ഇഞ്ചിയും വെളുത്തുള്ളിയും അരച്ചത്, അൽപ്പം കറിവേപ്പില എന്നിവ ചേർത്തിളക്കുക. ശേഷം ഇതിലേക്ക് ഒരു കോഴിമുട്ട ഇതിലേയ്ക്കു പൊട്ടിച്ചൊഴിക്കുക, അൽപ്പം കോൺഫ്ലോറും കുരുമുളകുപൊടിയും ചേർത്തിളക്കി കുറച്ചു സമയം മാറ്റി വെയ്ക്കുക.
ഇനി ഒരു പാൻ അടുപ്പിൽ വെച്ച് എണ്ണയൊഴിച്ചു ചൂടാക്കി മാറ്റി വെച്ച ചിക്കൻ കഷ്ണങ്ങൾ വറുത്തെടുക്കുക. മറ്റൊരു പാൻ അടുപ്പിൽ വെച്ച് അൽപ്പം വെണ്ണ ചേർത്ത് ഉരുക്കിയെടുക്കുക. ഇതിലേയ്ക്ക് കുറച്ചു മൈദ, ആവശ്യത്തിനു പാൽ എന്നിവ ചേർത്തിളക്കുക. ശേഷം ഇതിലേയ്ക്ക് ചീസ്, ആവശ്യത്തിന് ഉപ്പ് എന്നിവ ചേർത്തിളക്കി സോസ് തയ്യാറാക്കുക. ഉരുളക്കിഴങ്ങ് ഒരേ വണ്ണത്തിലും വീതിയിലും അരിഞ്ഞ് ഫ്രൈ ചെയ്തെടുത്തതിലേയ്ക്ക് വറുത്ത ചിക്കൻ ചെറിയ കഷ്ണങ്ങളാക്കി മുറിച്ചിട്ട് മുകളിലായി തയ്യാറാക്കിയ സോസ് ഒഴിച്ചിളക്കുക.
STORY HIGHLIGHT : Chicken Loaded Fries
