അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വാഷിങ്ടണ്‍: സുനാമി മുന്നറിയിപ്പിന്റെ പശ്ചാത്തലത്തില്‍ അമേരിക്കയുടെ പടിഞ്ഞാറന്‍ സംസ്ഥാനങ്ങളില്‍ താമസിക്കുന്ന ഇന്ത്യക്കാര്‍ക്ക് മാര്‍ഗനിര്‍ദേശം പുറപ്പെടുവിച്ച് സാന്‍ഫ്രാന്‍സിസ്‌കോയിലെ ഇന്ത്യയുടെ കോണ്‍സുലേറ്റ് ജനറല്‍. ഹെല്‍പ്പ്ലൈന്‍ നമ്പര്‍ പുറത്തിറക്കി –+1415-483-6629.
റഷ്യയിലെ കംചട്ക ഉപദ്വീപിലുണ്ടായ അതിശക്തമായ ഭൂചലനത്തിന് പിന്നാലെയാണ് വിവിധരാജ്യങ്ങളില്‍ സുനാമി മുന്നറിയിപ്പ് പ്രഖ്യാപിച്ചിരിക്കുന്നത്. അധികൃതര്‍ സ്ഥിതിഗതികള്‍ സൂക്ഷ്മമായി നിരീക്ഷിച്ചുകൊണ്ടിരിക്കുകയാണ്. കാലിഫോര്‍ണിയ, യുഎസ് വെസ്റ്റ് കോസ്റ്റ് സംസ്ഥാനങ്ങള്‍, ഹവായ് എന്നിവിടങ്ങളിലെ ഇന്ത്യന്‍ പൗരന്മാര്‍ക്ക് മാര്‍ഗ നിര്‍ദേശങ്ങള്‍ പുറത്തിറക്കി. അമേരിക്കയുടെ മുന്നറിയിപ്പുകള്‍ ശ്രദ്ധാപൂര്‍വ്വം നിരീക്ഷിക്കുക.സുനാമി മുന്നറിയിപ്പ് ലഭിച്ചാല്‍ ഉയര്‍ന്ന സ്ഥലത്തേക്ക് മാറുക. തീരപ്രദേശങ്ങള്‍ ഒഴിവാക്കുക. അടിയന്തര സാഹചര്യത്തിന് തയ്യാറെടുക്കുക. ഇലക്ട്രോണിക് ഉപകരണങ്ങള്‍ ചാര്‍ജ് ചെയ്യുക. – തുടങ്ങിയ നിര്‍ദേശങ്ങളാണ് നല്‍കിയിരിക്കുന്നത്.
8.7 തീവ്രത രേഖപ്പെടുത്തി. പെട്രോപാവ്‌ലോസ്‌കില്‍ നിന്ന് 134 കിലോമീറ്റര്‍ തെക്ക് കിഴക്കന്‍ ഭാഗത്താണ് പ്രഭവ കേന്ദ്രം. 74 കിലോമീറ്റര്‍ ആഴത്തിലാണ് ഭൂകമ്പത്തിന്റെ പ്രഭവകേന്ദ്രമെന്ന് യുഎസ്ജിഎസ് അറിയിച്ചു. അമേരിക്ക,ജപ്പാന്‍ തീരങ്ങളില്‍ സുനാമി മുന്നറിയിപ്പ് നല്‍കിയിട്ടുണ്ട്.
