അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മഴക്കാലം എന്നാൽ അസുഖങ്ങളുടെ കാലം കൂടിയാണെന്ന് പറയാറുണ്ട്. ഒന്നുമില്ലെങ്കിൽ ചെറിയൊരു ജലദോഷമോ മൂക്കടപ്പോ ഒക്കെ മഴക്കാലത്ത് ബാധിക്കാത്തവരായി ആരുമുണ്ടാകില്ല. മൂക്കടപ്പും തലവേദനയും തൊണ്ടവേദനയും ശ്വാസമെടുക്കാനുള്ള ബുദ്ധിമുട്ടുമൊക്കെയായി ജലദോഷക്കാലം തെല്ലൊന്നുമല്ല നമ്മെ വലയ്ക്കാറ്.
സാധാരണ ഗതിയിൽ ഇത്തരം ബുദ്ധിമുട്ടുകളുണ്ടായാൽ എന്താണ് ചെയ്യുക. ചിലർ ഡോക്ടറെ കണ്ട് മരുന്ന് കഴിക്കും. ചിലരാണെങ്കിൽ മെഡിക്കൽ സ്റ്റോറിൽ ചെന്ന് തങ്ങളുടെ പ്രശ്നം പറഞ്ഞ് ഗുളിക വാങ്ങി കഴിക്കാറാണ് പതിവ്. എന്നാൽ ഡോക്ടറുടെ കൃത്യമായ നിർദേശമില്ലാതെ മരുന്ന് കഴിക്കുന്നത് അത്ര നല്ലതല്ല. ഭാവിയിൽ വലിയ പ്രശ്നങ്ങളുണ്ടാകാൻ ഇത് കാരണമാകും.
പക്ഷേ ഡോക്ടറോ മരുന്നോ ഒന്നും ഇല്ലാതെ, അടുക്കളയിൽ സാധാരണയായി കാണുന്ന ചില സാധനങ്ങളുണ്ടെങ്കിൽ നമുക്ക് ഏത് ജലദോഷത്തെയും പമ്പകടത്താൻ കഴിയുന്ന ഒരു മരുന്നുണ്ടാക്കാം. ഭക്ഷണത്തിൽ ഉൾപ്പെടുത്തുന്ന വസ്തുക്കൾ ആയതിനാൽ ആരോഗ്യത്തിന് മോശം വരുമെന്ന ഭയവും വേണ്ട.
ചുക്കു കാപ്പി എന്ന് കേൾക്കാത്ത മലയാളികൾ ചുരുക്കമാണ്. എരിവും മധുരവും എല്ലാം സമം ചേർന്നൊരു കിടിലൻ ഒറ്റമൂലി. ഒറ്റവലിക്ക് കുടിച്ച് തീർക്കാം, ഏത് ജലദോഷവും പമ്പ കടക്കും. ഈ ഹോം മേഡ് ഹെർബൽ ടീ എങ്ങനെ തയാറാക്കാം എന്ന് നോക്കാം.
s)
ആവശ്യമായ ചേരുവകൾ
ചുക്ക് (ഇഞ്ചിയും ആവാം) – ഒരു വലിയ കഷണം
വെളുത്തുള്ളി – പകുതി തുടം
കുരുമുളക് – നാല് ടീ സ്പൂൺ
ചെറിയ ജീരകം – ഒരു ടീസ്പൂൺ
തുളസി (പുതിനയും ഉപയോഗിക്കാം) – രണ്ട് കതിർ
ശർക്കര – ആവശ്യത്തിന്
ഉപ്പ് – ഒരു നുള്ള്
വെളളം തിളപ്പിച്ച് ചുക്ക്/ഇഞ്ചി, കുരുമുളക്, വെളുത്തുള്ളി, ചെറിയ ജീരകം, തുളസി, എന്നിവ ചേർക്കുക. ശേഷം വീണ്ടും നന്നായി തിളപ്പിക്കുക. ഇതിലേക്ക് മധുരത്തിന് ആവശ്യമായ ശർക്കര ചേർക്കുക. മധുരം ബാലൻസ് ചെയ്യുന്നതിനായി അൽപം ഉപ്പ് ചേർക്കുക. രുചിയും ഗുണവും ഏറെയുള്ള ചുക്ക് കാപ്പി തയാറായി.
ചുക്ക് കാപ്പി തയാറാക്കുമ്പോൾ കാപ്പി പൊടി ചേർക്കുന്നവരും ഉണ്ട്. ആവശ്യമെങ്കിൽ ചേർക്കാവുന്നതാണ്.
