അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അപ്പം ചപ്പാത്തി എന്നിവയുടെ കൂടെയെല്ലാം കറിയായി തയ്യാറാക്കാവുന്ന ഒന്നാണ് മുട്ട കറി. വേഗത്തിൽ സ്വാദിഷ്ടമായ മുട്ടക്കറി തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- പുഴുങ്ങിയ മുട്ട -നാലെണ്ണം
- സവാള അരിഞ്ഞത് -ഒന്ന്
- വെളുത്തുള്ളി പേസ്റ്റ് – ഒരു ടീസ്പൂണ്‍
- ഇഞ്ചി പേസ്റ്റ് – അര ടീസ്പൂണ്‍
- കുരുമുളക് – കാല്‍ ടീസ്പൂണ്‍
- മല്ലിപ്പൊടി – ഒരു ടേബിള്‍സ്പൂണ്‍
- ജീരകപ്പൊടി – ഒരു ടീസ്പൂണ്‍
- മഞ്ഞള്‍പൊടി, മുളകുപൊടി – അര ടീസ്പൂണ്‍
- തക്കാളി അരിഞ്ഞത് – കാല്‍ കപ്പ്
- വെള്ളം – ഒന്നേകാല്‍ കപ്പ്
- വിനാഗിരി – ഒരു ടേബിള്‍സ്പൂണ്‍
- ഉപ്പ് – ആവശ്യത്തിന്
- മല്ലിയില – ആവശ്യത്തിന്
തയ്യാറാക്കുന്ന വിധം
മുട്ട പകുതിയായി മുറിച്ച് മാറ്റിവെക്കുക. ഒരു ചട്ടിയില്‍ രണ്ട് ടേബിള്‍സ്പൂണ്‍ എണ്ണയൊഴിച്ച് അതില്‍ സവാള ചേര്‍ത്ത് വഴറ്റുക. അതിലേക്ക് ഇഞ്ചിവെളുത്തുള്ളി പേസ്റ്റും കുരുമുളക് പൊടി , മല്ലിപ്പൊടി, ജീരകപ്പൊടി, മഞ്ഞൾപ്പൊടി, ചേര്‍ക്കുക. തക്കാളിയും ചേര്‍ത്ത് നന്നായി ഇളക്കുക. വെള്ളം ചേര്‍ത്ത് തിളയ്ക്കുമ്പോള്‍ ഉപ്പും വിനാഗിരിയും ചേര്‍ക്കുക. അതിലേക്ക് മുട്ട ചേര്‍ത്ത് അഞ്ച് മിനിട്ട് വേവിക്കുക. മല്ലിയില ചേര്‍ത്ത് അലങ്കരിച്ചെടുക്കാം.
STORY HIGHLIGHT : egg curry
