അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഛത്തീസ്ഗഢിലെ ജയിലില്‍ കഴിയുന്ന കന്യാസ്ത്രീകള്‍ക്ക് ജാമ്യം ലഭിക്കുമെന്ന് ബിജെപി കേരള അധ്യക്ഷന്‍ രാജീവ് ചന്ദ്രശേഖര്‍. ചില തെറ്റിദ്ധാരണകളുണ്ട്. പ്രശ്നം രാഷ്ട്രീയ നാടകമാക്കി മാറ്റരുത് വോട്ടും മതവും നോക്കിയല്ല പ്രവര്‍ത്തിക്കുന്നെതന്നും രാജീവ് ചന്ദ്രശേഖര്‍ വ്യക്തമാക്കി. ജാമ്യാപേക്ഷയെ സര്‍ക്കാര്‍ എതിര്‍ക്കില്ലെന്നും അദ്ദേഹം പറഞ്ഞു.
തൃശൂര്‍ രൂപത അധ്യക്ഷനും സിബിസിഐ പ്രസിഡന്റുമായ മാര്‍ ആന്‍ഡ്രൂസ് താഴത്തുമായി നടത്തിയ കൂടിക്കാഴ്ചയ്ക്ക് ശേഷമാണ് രാജീവ് ചന്ദ്രശേഖറിന്‍റെ പ്രതികരണം.
അതേസമയം കൂടിക്കാഴ്ചയ്ക്ക് പിന്നാലെ രാജീവ് ചന്ദ്രശേഖറിനെ അമിത് ഷാ ഡല്‍ഹിയിലേക്ക് വിളിപ്പിച്ചു. ഛത്തീസ്ഗഡ് മുഖ്യമന്ത്രി വിഷ്ണുദേവ് സായി പാര്‍ലമെന്‍റിലെത്തിയിട്ടുണ്ട്. പ്രധാനമന്ത്രിയുടെ നിര്‍ദേശപ്രകാരമാണ് സായ് എത്തിയതെന്നാണ് സൂചന. കൂടിക്കാഴ്ചയില്‍ കന്യാസ്ത്രീകളുടെ വിഷയം ചര്‍ച്ചയായേക്കും.
