അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വിവോയുടെ പുതിയ 5G സ്മാർട്ട്‌ഫോൺ വിവോ T4ആര്‍ 5G ഇന്ത്യൻ വിപണിയിൽ അവതരിപ്പിച്ചു. പുതിയ മീഡിയടെക് ഡൈമന്‍സിറ്റി 7400 ചിപ്‌സെറ്റും മൂന്ന് റാം, സ്റ്റോറേജ് വേരിയന്‍റുകളും രണ്ട് കളര്‍ ഓപ്ഷനുകളും സഹിതമാണ് വിവോ ടി4ആര്‍ ഇന്ത്യയിലെത്തിയിരിക്കുന്നത്. 20,000 രൂപയില്‍ താഴെയാണ് ഇതിന്റെ വില വരുന്നത്.
ഈ മൊബൈൽ ഫോൺ ആന്‍ഡ്രോയ്ഡ് 15 അടിസ്ഥാനത്തിലുള്ള ഫണ്‍ടച്ച് ഒഎസിലാണ് പ്രവര്‍ത്തിക്കുന്നത്. ഫോണിന് വിവോ രണ്ട് വര്‍ഷത്തെ ഒഎസ് അപ്‌ഡേറ്റും മൂന്ന് വര്‍ഷത്തെ സെക്യൂരിറ്റി പാച്ചും കമ്പനി നല്‍കുന്നു. 6.77 ഇഞ്ച് ഫുള്‍ എച്ച്‌ഡി+ ക്വാഡ്-കര്‍വ്‌ഡ് അമോൾഡ് ഡിസ്‌പ്ലെയാണ് വിവോ ടി4ആര്‍ 5ജി സ്‌മാര്‍ട്ട്‌ഫോണിന്‍റെ പ്രധാന ആകര്‍ഷണങ്ങളിലൊന്ന്.
ഡയമണ്ട് ഷീല്‍ഡ് ഗ്ലാസ് സുരക്ഷയുള്ള ഫോണില്‍ 120 ഹെര്‍ട്സ് റിഫ്രഷ് റേറ്റും 2160 ഹെര്‍ട്സ PWM ഡിമ്മിംഗും നല്‍കിയിരിക്കുന്നു. 32 എംപിയുടെ സെല്‍ഫി ക്യാമറ 4കെ വീഡിയോ റെക്കോര്‍ഡ് ചെയ്യാന്‍ പര്യാപ്തമാണ്. 50 എംപി പ്രധാന റിയര്‍ ക്യാമറയ്ക്കൊപ്പം 2 എംപിയുടെ സെക്കന്‍ഡറി സെന്‍സറും ഉള്‍പ്പെടുന്നു. റിയര്‍ ക്യാമറയിലും 4കെ റെക്കോര്‍ഡിംഗ് സൗകര്യമുണ്ട്.
സുരക്ഷയ്ക്ക് ഐപി68 + ഐപി69 റേറ്റിംഗ് ഈ ഫോണിനുണ്ട്. 5700 എംഎഎച്ച് വരുന്ന ബാറ്ററിക്കൊപ്പം 44 വാട്സ് ഫാസ്റ്റ് ചാര്‍ജിംഗാണ് ചേര്‍ത്തിരിക്കുന്നത്. ഡുവല്‍ സിം (നാനോ + നാനോ), ഇന്‍-ഡിസ്‌പ്ലെ ഫിംഗര്‍പ്രിന്‍റ് സെന്‍സര്‍ എന്നിവയാണ് മറ്റ് പ്രധാന സ്പെസിഫിക്കേഷനുകള്‍. വിവോ ടി4ആര്‍ സ്‌മാര്‍ട്ട്‌ഫോണിന്‍റെ ഇന്ത്യയിലെ ആരംഭ വില ഓഫര്‍ സഹിതം 17,499 രൂപയാണ്.
